ქობულეთში ტროტუარზე დარგული ხე ავტობუსის გაჩერებაში მოაქციეს. ინფორმაციას ახალი მოსაცდელების დაყენების შესახებ საზოგადოებრივი მაუწყებლის აჭარის ტელევიზია ავრცელებს.

მაუწყებელი, გამგეობის ინფრასტრუქტურის სამსახურზე დაყრდნობით, ავრცელებს ინფორმაციას, რომ მონტაჟი ჯერ არ დასრულებულა.

"ალტერნატიული ადგილი არ გვქონდა, უკან ტროტუარის სავალი ნაწილი - ვიწრო ზოლი. შესაბამისად, განვათავსეთ მწვანე ზოლზე... იმ ადგილზე მოხდება მწვანე საფარის ჩაჭრა და მოეწყობა დეკორატიული ფილები", - განუცხადა აჭარის ტელევიზიას ქობულეთის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო განვითარების სამსახურის უფროსმა, ზაზა კაიკაციშვილმა.

აჭარის ტელევიზიის ინფორმაციით ქობულეთში, აღმაშენებლის ქუჩაზე სულ 33 ახალი მოსაცდელი მონტაჟდება.