ეგვიპტის ხელისუფლების ცნობით, წითელ ზღვაში საკრუიზო გემი ჩაიძირა. მათივე ცნობით, ბორტზე 34 ტურისტი და ეკიპაჟის 14 წევრი იმყოფებოდა. მაშველებმა 28 ადამიანის გადარჩენა მოახერხეს, 17 ადამიანი კი ამ დრომდე დაკარგულად ითვლება.

ტურისტულმა გემმა პორტი კვირას დატოვა, საზღვაო კატასტროფის შესახებ კი სამაშველო სამსახურში ცნობა ადგილობრივი დროით 05:30 საათზე შევიდა.

5-დღიან ყვინთვის ტურში მონაწილეობის მიზნით გემზე 31 ტურისტი იყო, მათთან ერთად კი ეკიპაჟის 14 წევრი იმყოფებოდა.

ადგილობრივი ხელისუფლების ცნობით, მაშველების მიერ გადარჩენილი ტურისტები საავადმყოფოში არიან გადაყვანილები და შესაბამის დახმარებას იღებენ.

დაკარგული ტურისტების ძებნაში მაშველებთან ერთად, ეგვიპტის სამხედრო-საზღვაო ძალების გემი და სამხედრო ავიაციის ძალები მონაწილეობენ.