თბილისის სახელმწიფო კონსერვატორიის ინფორმაციით, დიდი დარბაზის მნიშვნელოვანი ნაწილი, წყლის მილის დაზიანების გამო დაიტბორა.

"ტექნიკური ჯგუფის მიერ მიმდინარეობს დაზიანების ხარისხის დადგენა და სარეაბილიტაციო სამუშაოებისთვის მზადება. დღეს დაგეგმილი საოპერო სტუდიის წარმოდგენა “ქეთო და კოტე” გადაიდო. შეძენილი ბილეთები აქტიურია და სპექტაკლის ჩატარების თარიღს გაცნობებთ", — აცხადებენ კონსერვატორიაში.

აფიშაზე დაყრდნობით, მომდევნო სპექტაკლი — ვერდის "ტრავიატა" 30 ნოემბერს არის დაგეგმილი.