Reuters-ის ცნობით, რუსეთი ირანის შუამავლობით, ჰუსიტებთან ხომალდსაწინააღმდეგო რაკეტების შესაძლო მიწოდებაზე საიდუმლო მოლაპარაკებებს აწარმოებს. შეიარაღებული პროირანული ჯგუფი — ჰუსიტები, იემენის ტერიტორიის მნიშვნელოვან ნაწილს აკონტროლებენ.

მედიის თქმით, საბრძოლო მასალის მიწოდების თაობაზე საბოლოო გადაწყვეტილება ჯერ არ არის მიღებული.

The Wall Street Journal-ის ივლისში გავრცელებული ინფორმაციით, რუსეთი რაკეტა “იახონტების” ხუთებისთვის გადაცემის შესაძლებლობას განიხილავს, რამაც შეიძლება წითელ ზღვაში ამერიკულ და ევროპულ გემებზე თავდასხმები მნიშვნელოვნად გააძლიეროს.

ჰუსიტებმა გამოაცხადეს რომ ისრაელის წინააღმდეგ მებრძოლ დაჯგუფებას — ჰამასს უჭერენ მხარს. დაჯგუფება რომელიც აშშ-სა და ევროკავშირში ტერორისტულ დაჯგუფებად არის აღიარებული. ჰუსიტებმა პირობა დადეს, რომ თავს დაესხმებიან ისრაელის მოკავშირეთა გემებს წითელ ზღვაში. მათ ამ ნათქვამის შემდეგ სულ მხირე ორი სანავთობო ტანკერი ჰყავთ ჩაძირული, ხოლო ერთი შეიპყრეს, რამაც გლობალური საზღვაო ვაჭრობის შეფერხება, მარშრუტების ცვლილებები და სადაზღვევო ხარჯების გაზრდა გამოიწვია.

ჰუსიტების პოზიციებზე აშშ-ის დარტყმების მიუხედავად, რეგიონში კვლავ რჩება საფრთხე გემებისთვის.