წითელ ზღვაში, საბერძნეთის დროშის ქვეშ მცურავ, ნავთობის ტანკერ Sounion-ზე სარაკეტო თავდასხმა განხორციელდა, რამაც ბორტზე ხანძარი გამოიწვია. დიდი ბრიტანეთის საზღვაო სააგენტოზე დაყრდნობით ინფორმაციას Reuters ავრცელებს.

საბერძნეთის გემების სამინისტროს და გაერთიანებული სამეფოს საზღვაო ვაჭრობის ოპერატორის (UKMTO) ინფორმაციით, 21 აგვისტოს დილით, იემენის საპორტო ქალაქ ჰოდეიდას მახლობლად გემს ორი ნავი დაესხა თავს და ჭურვები ესროლა.

თავდასხმამ ბორტზე ხანძარი გამოიწვია, რის გამოც გემის ძრავამ სიმძლავრე და მანევრირების უნარი დაკარგა. გემის ეკიპაჟის 25 წევრიდან 2 რუსი იყო, დანარჩენები ფილიპინელები. დაშავებულების შესახებ ინფორმაცია არ ვრცელდება.

Reuters წერს, რომ ნავთობის ტანკერზე თავდასხმების სერია იემენის მახლობლად საერთაშორისო გემებზე გასული წლის ნოემბრიდან, ისრაელსა და ჰამასს შორის ომში პალესტინელების სოლიდარობის ნიშნად, ირანთან დაკავშირებულმა ჰუსიტმა (ჰუთმა) მებრძოლებმა განახორციელეს