კურსკის ოლქში მიმდინარე საბრძოლო მოქმედებებს, რომელიც გუშინ დაიწყო, რუსეთის პრეზიდენტმა, ვლადიმერ პუტინმა კიევის მასშტაბური პროვოკაცია უწოდა.

პუტინმა, კომენტარი რუსეთის მთავრობასთან თათბირზე გააკეთა;

„როგორც ცნობილია, კიევის რეჟიმმა მორიგი მასშტაბური პროვოკაცია განახორციელა. სხვადასხვა სახის იარაღს, მათ შორის რაკეტებს, განურჩევლად ესვრიან სამოქალაქო შენობებს, საცხოვრებელ სახლებს, სასწრაფო დახმარების მანქანებს“, - ირწმუნება რუსეთის პრეზიდენტი

სხვადასხვა მედიაში გავრცელებული ცნობებით, 6 აგვისტოს, უკრაინის შეიარაღებულმა ძალებმა რუსეთის ტერიტორიაზე, კურსკის ოლქში, სამი სოფელი აიღეს. ერთ-ერთი ტელეგრამ-არხის ავტორის, მიხაილ ზვინჩუკის თქმით, უკრაინელების დანაყოფმა დაიკავა: ნიკოლაევო-დარინო, დარინო და სვერდლიკოვო. უკრაინულ და რუსულ დანაყოფებს შორის ბრძოლა მიმდინარეობს კიდევ ორ სოფელში, გონჩარივკასა და ოლეშნიაში.

რეგიონის გუბერნატორის მოვალეობის შემსრულებელის, ალექსეი სმირნოვის თქმით, - ''ნაცისტების შეტევას ოლქი გმირულ წინააღმდეგობას უწევს''

უკრაინის ოფიციალურ უწყებებს აღნიშნულ მოვლენებთან დაკავშირებით ჯერჯერობით ინფორმაცია არ გაუვრცელებიათ.