შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილი რუსეთის პრეზიდენტის აფხაზეთში დაგეგმილ ვიზიტს განგრძობად ოკუპაციას უწოდებს. მინისტრმა რუსეთის პრეზიდენტის აფხაზეთში ჩასვლას პროვოკაცია უწოდა.

"გარკვეულ საპასუხო პროვოკაციის მცდელობებს აქვს ადგილი, ალბათ, ეს ვიზიტიც ამ რანგში შეიძლება განვიხილოთ. ალბათ ერთიან სურათში ჯდება, ეს არის განგრძობადი ოკუპაცია და ეს არის ფაქტობრივი ანექსიის მცდელობა რუსეთის მხრიდან. ჩვენი ამოცანაა ნებისმიერი ამ პრობლემის ნიველირება მოვახდინოთ, ჩვენი ამოცანაა, რომ მშვიდობა შევინარჩუნოთ, რაც ჩვენი ქვეყნისთვის არის სასიცოცხლოდ მნიშვნელოვანი ამოცანა", - განაცხადა ციხელაშვილმა.

დღეს რუსულ მედიასაშუალებებში ინფომრაცია გავრცელდა, რომ ვლადიმერ პუტინი, სავარაუდოდ, აგვისტოს ომის ცხრა წლისთავზე აფხაზეთში ჩავა.

31 ივლისსა და პირველ აგვისტოს საქართველოში ამერიკის ვიცე-პრეზიდენტი, მაიკ პენსი იყო. მან ვიზიტის დროს არერთი მნიშვნელოვანი გზავნილი გააჟღერა.