ამის შესახებ პაველ ასტახოვმა რუსეთის სახელმწიფო სააგენტოს განუცხადა.

დეტალები: რუსეთის ბავშვთა ყოფილი ომბუდსმენი ამბობს, რომ ის საქართველოდან თურქეთში დოკუმენტური ფილმის გადასაღებად მიდიოდა.

  • მისი თქმით, ქართველმა მესაზღვრეებმა უკანონოდ და უმიზეზოდ გააჩერეს, თითქმის 7 საათის განმავლობაში უკანონოდ ჩამოართვეს დოკუმენტები და პირადი ნივთები გაუჩხრიკეს.
  • როგორც ასტახოვი ამბობს, მესაზღვრეები ცდილობდნენ დაერწმუნებინათ, რომ ხელი მოეწერათ ქართულ და ინგლისურენოვან ოქმზე, საბოლოოდ კი, ქვეყანაში შეშვებაზე უთხრეს უარი.
  • ის ქართველი მესაზღვრეების ქმედებებს "პროვოკაციასა" და "თვითნებობას" უწოდებს და ჰყვება, რომ მათთან თარჯიმანიც არ მიუყვანიათ.
  • ასტახოვის თქმით, შემთხვევა პარასკევს, 25 აგვისტოს მოხდა, რის შემდეგაც კი სომხეთში დაბრუნდა და დანიშნულების ადგილამდე სტამბოლის გავლით ჩავიდა.

ასტახოვი იქამდე დოკუმენტური ფილმის გადასაღებად რუსეთის მიერ უკრაინის დროებით ოკუპირებულ ტერიტორიებზე იყო ჩასული.

  • ის თანამდებობიდან 2016 წელს მომხდარი ტრაგედიის შემდეგ გადადგა — მაშინ ქარიშხალს ბავშვები ემსხვერპლნენ.
  • ასტახოვმა ქარიშხალგადარჩენილ ბავშვებს ჰკითხა: აბა, როგორ იცურავეთ?
  • გასულ წელს სარატოვის სასამართლომ ასტახოვის შვილი ფართომასშტაბიანი თაღლითობის მუხლით დამნაშავედ ცნო და 3,5-წლიანი თავისუფლების აღკვეთა მიუსაჯა.