ევროკავშირის უმაღლესი წარმომადგენლის საგარეო საქმეთა და უსაფრთხოების პოლიტიკის საკითხებში, კაია კალასის განცხადებით, ევროკავშირი უახლოეს თვეებში რუსეთის წინააღმდეგ სანქციების მნიშვნელოვნად გაფართოებას გეგმავს. ინფორმაციას Deutsche Welle ავრცელებს.

"ამ შემოდგომაზე მე წარვადგენ სანქციების ყველაზე ვრცელ სიას ომის დაწყების შემდეგ. მისი მიღების შემთხვევაში, სანქციებს დაქვემდებარებული რუსი ფიზიკური პირების, კომპანიებისა და ორგანიზაციების რაოდენობა მყისიერად მესამედით გაიზრდება", — განაცხადა კალასმა გერმანულ გამოცემა Die Welt-თან ინტერვიუში, რომელიც დღეს, 17 აგვისტოს გამოქვეყნდა.

ევროკომისიის მონაცემებით, ამჟამად რუსეთის წინააღმდეგ ევროკავშირის სანქციების სიაში 3 000-მდე ფიზიკური და იურიდიული პირია. კალასმა ხაზი გაუსვა იმის აუცილებლობას, რომ "რუსეთზე ზეწოლა გაიზარდოს, სანამ ის ომს არ დაასრულებს".

კალასმა წარმატებული უწოდა სანქციების იმ 21 პაკეტს, რომლებიც რუსეთის წინააღმდეგ უკრაინაში სრულმასშტაბიანი ომის დაწყების შემდეგ დაწესდა.

"რუსეთმა ძვირი ფასი გადაიხადა ევროკავშირის სანქციებისთვის; მათ რუსულ სამხედრო მანქანას უკვე მილიარდ ევროზე მეტი ზარალი მიაყენეს", — განაცხადა მან.