რატომ არის მნიშვნელოვანი: დღეს ცნობილი გახდა, რომ რუსეთმა შავი ზღვის მარცვლეულის შეთანხმება შეაჩერა.

  • კრემლის პრესსპიკერის, დიმიტრი პესკოვის განცხადებით, შეთანხმებების ნაწილი არ შესრულდა.
  • "ფაქტობრივად, შავი ზღვის ხელშეკრულებები დღეს აღარ მოქმედებს. როგორც ადრე რუსეთის ფედერაციის პრეზიდენტმა განაცხადა, ბოლო ვადა 17 ივლისია. სამწუხაროდ, ამ შეთანხმებაში რუსეთთან დაკავშირებული ნაწილი ჯერ არ განხორციელებულა. ამიტომ მისი მოქმედება წყდება", — თქვა მან.
  • პესკოვი აცხადებს, რომ მოსკოვი დაუყოვნებლივ დაუბრუნდება შეთანხმებას, როგორც კი მისი "რუსული ნაწილი" შესრულდება.

ზელენსკის განცხადებით, რუსეთთან არანაირი შეთანხმება არ ჰქონიათ და ოკუპანტმა ქვეყანამ ის არა უკრაინასთან, არამედ გაეროს გენერალურ მდივანთან და თურქეთის პრეზიდენტ ერდოღანთან გაწყვიტა.

  • "გვქონდა ორი შეთანხმება: უკრაინა, თურქეთი, გაერო; მეორე — რუსეთი, თურქეთი, გაერო. ასე რომ, როცა რუსეთი ამბობს, რომ [შეთანხმებას] წყვეტს, იგი წყვეტს შეთანხმებას გაეროს გენმდივან გუტიერეშთან და პრეზიდენტ ერდოღანთან, ჩვენთან — არა".
  • უკრაინის პრეზიდენტის ცნობით, მისცა უკრაინის საგარეო საქმეთა სამინისტროს მისცა განკარგულება, მოამზადოს ოფიციალური სიგნალები გაეროსა და თურქეთისთვის, რათა მათ დაადასტურონ, რომ ინიციატივის გასაგრძელებლად მზად არიან.
  • მისი თქმით, რუსეთის გარეშეც ყველაფერი უნდა გააკეთონ, რათა შავი ზღვის დერეფანი გამოიყენონ.
  • პრეზიდენტის განცხადებით, უკრაინას უკვე მიმართეს გემების მფლობელმა კომპანიებმა და დაუდასტურეს მზაობა მარცვლეულის ტრანსპორტირებაზე.

უკრაინა საზღვაო გზით ყოველთვიურად 5-დან 6 მილიონ ტონამდე სოფლის მეურნეობის პროდუქტის ექსპორტს ახორციელებდა, სანამ რუსეთის სრულმასშტაბიანმა შეჭრამ ქვეყნის პორტები არ დაბლოკა.

  • უკრაინიდან სოფლის მეურნეობის პროდუქტების ექსპორტის შემცირებამ მნიშვნელოვანი როლი ითამაშა სურსათის ფასების გლობალურ კრიზისში.
  • 2022 წლის 22 ივლისის, დოლმაბაჰჩეს სასახლეში, რუსეთმა და უკრაინამ, თურქეთისა და გაეროს ჩართულობით ხელი მოაწერეს მარცვლეულის ექსპორტზე შეთანხმებას.
  • რუსეთის მუქარების შემდეგ ივლისის შეთანხმებამ შექმნა საზღვაო სატრანზიტო დერეფანი სურსათის გლობალური დეფიციტის შესამსუბუქებლად.
  • მაშინდელ ხელშეკრულებას ვადა 19 ნოემბერს გაუვიდა, თუმცა მხარეებმა შეთანხმებას მიაღწიეს და ის რამდენჯერმე გაახანგრძლივეს.