გამოძიებით დადგინდა, რომ 2023 წლის 6 ივლისს ტელეკომპანია ფორმულას ოპერატორი სულხან ჭკადუა საგარეჯოში ჟურნალისტურ საქმიანობას ასრულებდა.

  • რეპორტაჟზე მუშაობის დროს, ბრალდებულმა მ.შ-მ პროფესიულ საქმიანობაში ხელის შეშლის მიზნით, ჟურნალისტს მიაყენა ფიზიკური შეურაცხყოფა.
  • ასევე, რუსთავი 2-ის ჟურნალისტ ნათია წითელაურს და მთავარი არხის ჟურნალისტ ია გულიაშვილს აგრესიული ქცევით არ მისცა საქმიანობის განხორციელების და სიუჟეტის ჩაწერის საშუალება.

დეტალები: სპეციალური საგამოძიებო სამსახურის თანამშრომლებმა ერთი პირი საქართველოს სისხლის სამართლის კოდექსის 154-ე და 126-ე მუხლებით გათვალისწინებული დანაშაულის ჩადენისთვის დააკავეს.

  • სასამართლოს განჩინების საფუძველზე დაკავებულია მოქალაქე მ.შ.