ამის შესახებ თბილისის მერმა თბილისის მთავრობის სხდომაზე განაცხადა.

რატომ არის მნიშვნელოვანი: ტაქსის რეფორმა 2018 წელს დაიწყო, რა დროსაც 21 ათასი უკატეგორიო ლიცენზია გაიცა.

  • 2019 წელს რეფორმა მეორე ეტაპზე გადავიდა და ძალაში შევიდა რეგულაცია — მარჯვენასაჭიანი და განსხვავებული ფერის მანქანების შეზღუდვაზე, ტაქსები დაიყო ორ — A და B კატეგორიად.
  • A კატეგორიის ტაქსებზე განისაზღვრა ერთიანი სტანდარტი — თეთრი ფერი და მანათობელი ნიშანი წარწერით — TAXI თბილისი.
  • B კატეგორია განისაზღვრა სატრანსპორტო საშუალებად, რომელიც არ იყენებს მაიდენტიფიცირებელ საშუალებას, შეიძლება იყოს ნებისმიერი ფერის და შეკვეთას იღებს აპლიკაციის ან სატელეფონო შეტყობინების საფუძველზე.
  • ტაქსის რეფორმის მესამე ეტაპი თბილისის მერმა თებერვალში დააანონსა და აღნიშნა, რომ ცვლილებები იქნებოდა, რასაც ტაქსის ბოლო რეფორმები უკავშირდება.

დეტალები: მერმა სხდომაზე განაცხადა, რომ მძღოლებს არ აქვთ საშუალება, რომ ტერმინალები შეიძინონ და მგზავრებმა გადახდა ბარათის გამოყენებით შეძლონ.

  • კალაძეს თქმით, მათ კომპანია BKN 301 GEORGIA-მ შესთავაზა საინტერესო წინადადება, რომელიც, მისივე აზრით, გადახდების ინოვაციური და სწრაფი მეთოდია.
  • მისივე განმარტებით, კომპანიამ შეიმუშავა QR კოდები, რომლების საშუალებითაც მოხდება ანგარიშსწორება.
  • განმარტა, რომ კოდი შესაძლებელია მიებას ნებისმიერი პირის ანგარიშის ნომერს.
  • ამბობს, რომ საინტერესო მეთოდია და მისი გამოყენება ნებაყოფლობითია, რომლის მიღებასაც 2023 წლის 22 მაისიდან შეძლებენ დედაქალაქის სხვადასხვა სერვისცენტრებში.
  • ეს სერვისცენტრებია — ჟ. შარტავას ქ. N7; სამგორის სერვისცენტრში — მოსკოვის გამზირი N14; გლდანის სერვისცენტრში - დ. სარაჯიშვილის ქ. N1გ.
  • გადახდის ამ სისტემის გამოყენება ორივე კატეგორიის — A და B ტაქსის მძღოლს შეეძლება.