ამის შესახებ ქართული ოცნების თავმჯდომარემ, ირაკლი კობახიძემ გამართულ ბრიფინგზე ისაუბრა.

რატომ არის მნიშვნელოვანი: შუალედური და რიგგარეშე არჩევნები 10 მუნიციპალიტეტში გაიმართ. მოქალაქეები ირჩევდნენ:

  • პარლამენტის ფოთი-სენაკი-ხობის მაჟორიტარ დეპუტატს;
  • გურჯაანის, თიანეთის, ახალციხის, ტყიბულის, ქუთაისის საკრებულოების მაჟორიტარ დეპუტატებს;
  • ცაგერისა და თერჯოლის მერებს.

ვინ (არ) მონაწილეობდა არჩევნებში: ოპოზიციამ არჩევნებში ჩართვაზე უარი თქვა, ამიტომ მერების რიგგარეშე არჩევნებისათვის კანდიდატი მხოლოდ ქართულ ოცნებას ჰყავს წარდგენილი.

  • საკრებულოს შუალედური არჩევნებზე მმართველი გუნდის ერთადერთი კონკურენტი საინიციატივო ჯგუფის წარმომადგენელია, პარლამენტის შუალედურ არჩევნებზე კი — კახა კუკავას პარტის წევრი.
  • ენმ-ის გენერალური მდივანი პეტრე ცისკარიშვილი განმარტავდა, რომ პროცესის მიმართ ნდობა არ არსებობს, ამიტომ ფარსში მონაწილეობას არ იღებენ.
  • "ვითარება ქვეყანაში ნორმალურთან დაახლოებულიც არ არის, გაცდენილია და მთელი ძალისხმევა პოლიტიკური დემოკრატიული ოპოზიციის, ჩვენი, ევროპული საქართველოსიც არის ადამიანების მოტივირება გადამწყვეტ არჩევნებზე, რომელიც მოდის შემდეგ წელს", — განაცხადა გიგა ბოკერიამ რუსთავი 2-თან.

კობახიძე ამბობს, რომ "რადიკალურმა ოპოზიციამ ვერც ერთ ოლქში ვერ გაბედა კანდიდატურის დაყენება, რაც იმის დასტურია, რომ ქართული ოცნების მაღალ და საკუთარ დაბალ რეიტინგს კარგად აცნობიერებენ".

  • "მიუხედავად იმისა, რომ არჩევნები შეზღუდული კონკურენციის პირობებში წარიმართა, დაფიქსირდა მაღალი აქტივობა, რისთვისაც თითოეულ ამომრჩეველს მადლობას ვუხდით. ყველა საარჩევნო ოლქში ქართულმა ოცნებამ გააუმჯობესა 2021 წლის მუნიციპალურ არჩევნებში მიღებული შედეგები", — აცხადებს ის.

რას ამბობენ შედეგებზე: მიუხედავად იმისა, რომ ცენტრალურ საარჩევნო კომისიას ჯერ ოფიციალური შედეგები არ გამოუქვეყნებია, კობახიძემ ამაზეც ისაუბრა.

  • მისი თქმით, ფოთი-ხობი-სენაკის საარჩევნო ოლქში მათმა კანდიდატმა 27 ათასზე მეტი ხმა მიიღო. თერჯოლის მუნიციპალიტეტში 11 500 ხმა, ცაგერში 4 500, ქუთაისში 5 300-ზე მეტი.
  • ასევე, ტყიბულში 1 500 ხმა, გურჯაანში 1 350, ახალციხეში 450-ზე მეტი, თიანეთში კი 350.
  • "ვულოცავ გიორგი ხახუბიას პარლამენტის წევრად არჩევას, მანუჩარ რობაქიძეს თერჯოლის მერად არჩევას, ლევან ზალკალიანს ცაგერის მერად არჩევას. მიხეილ გიორგაძეს ქუთაისის საკრებულოს წევრად, გიორგი კერესელიძეს ტყიბულოს საკრებულოს წევრად";
  • "ზურაბ მუხურიშვილს გურჯაანის საკრებულოს წევრად. როინ ნებაძეს ახალციხის საკრებულოს წევრად, იოსებ თიანეთის საკრებულოს წევრად არჩევას", — ამბობს ის.