ამის შესახებ ლუკას აბლოთიამ სოციალურ ქსელში დაწერა.

დეტალები: აქტივისტი ამბობს, რომ შემთხვევა დიდუბის მეტროში მოხდა.

  • "4 მამაკაცი თავს დამესხა და ჩემზე ფიზიკურად იძალადა. ახლა პოლიციასთან ვარ. სპრეის გამოყენება მომიწია თავის დასაცავად", — დაწერა მან.

შსს: როგორც On.ge-ს უწყებაში განუცხადეს, მომხდარზე გამოძიება დაწყებულია 151-ე მუხლით, რაც მუქარას გულისხმობს.

განახლება: აქტივისტი მიიჩნევს, რომ მას თავს ჰომოფობიურ ნიადაგზე დაესხნენ.

  • მოგვიანებით აბლოთიამ სოციალურ ქსელში დაწერა, რომ ფიზიკური დაპირისპირების დაწყებამდე თავდამსხმელმა მას "პიდარასტი" უწოდა.
  • "ხალხს მოუწოდებდა ჩემს ჩასაქოლად და მოსათხოვად. მერე სპრეის გამოყენების ვალდებულება გაჩნდა უშუალოდ მაშინ, როდესაც ეს პიროვნება თავდასხმას აპირებდა. სპრეის გამოყენების შემდეგ ამ მოძალადეს გამოესარჩლნენ და მეტროში სულ წიხლები და ხელები მირტყეს ჯგუფურად".
  • ქვიარ აქტივისტი ამბობს, რომ ჰომოფობიის გამო საქართველოში მისი ყოფნა სულ უფრო და უფრო სახიფათო ხდება.
  • ეს პირველი შემთხვევა არ არის, როცა ადამიანებს ჰომოფობიურ ნიადაგზე ფიზიკურად უსწორდებიან.