ამის შესახებ ინფორმაციას პრეზიდენტის ადმინისტრაცია ავრცელებს.

რატომ არის მნიშვნელოვანი: 13 აპრილს ცნობილი გახდა, რომ სტრასბურგში დაგეგმილი ვიზიტი, სადაც პრეზიდენტი ევროპარლამენტის წინაშე სიტყვით უნდა გამოსულიყო, გადაიდო.

  • მიზეზად ადმინისტრაცია მთავრობის მხრიდან ხელშეშლას ასახელებდა, მთავრობა კი უარყოფდა.
  • ეს პირველი შემთხვევა არ არის, როდესაც ზურაბიშვილმა საერთაშორისო ვიზიტებისას დაბრკოლებაზე ისაუბრა, განსაკუთრებით, მას შემდეგ, რაც ქართული ოცნების მიმართ კრიტიკული გახდა.

დეტალები: ზურაბიშვილის განცხადებით, ევროპარლამენტთან შეთანხმება შედგა.

  • "აღნიშნულთან დაკავშირებით საქართველოს პრეზიდენტმა ევროპარლამენტის პრეზიდენტის, რობერტა მეცოლას ოფიციალური წერილი დღეს მიიღო", — ვკითხულობთ პრეზიდენტის ფეისბუკ გვერდზე.