ამის შესახებ უკრაინის პრეზიდენტი სოციალურ ქსელში წერს.

რატომ არის მნიშვნელოვანი: 25 მარტს უკრაინის პრეზიდენტმა განაცხადა, რომ ჩინეთიდან არც შუამავლობის შესახებ მიუღია შემოთავაზება და არც შეხვედრის, თუმცა ამბობდა, რომ დიპლომატიური არხებით სი ძინპინს გადასცა შეტყობინება, რომ მასთან საუბარი სურდა.

  • მანამდე, 18 მარტს გავრცელდა ინფორმაცია, რომ ჩინეთის პრეზიდენტი მომავალ კვირას პუტინს შეხვდებოდა — კრემლში აცხადებდნენ, რომ ჩინეთთან მოლაპარაკებისას ყოვლისმომცველ პარტნიორობისა და სტრატეგიულ თანამშრომლობას განიხილავდნენ.
  • მას შემდეგ, რაც რუსეთი უკრაინაში შეიჭრა, ჩინეთის ლიდერს არასდროს დაუგმია ეს ქმედება — ის მარტში მოსკოვში ჩაფრინდა.
  • POLITICO-ს ცნობით, ჩინეთი რუსეთს იარაღს და ჯავშანს უგზავნის — დასავლელმა ოფიციალურმა პირებმა ბოლო კვირებში განაცხადეს, რომ ჩინეთი განიხილავს რუსეთის სამხედროებისთვის იარაღის გაგზავნას.
  • ჩინური გამოცემის ინფორმაციით, ჩინეთი თავის წარმომადგენელს უკრაინაში კონფლიქტის მედიაციისთვის აგზავნის.
  • აშშ-ის უშიშროების საბჭოს სტრატეგიული კომუნიკაციების კოორდინატორი, ჯონ კირბი ჩინეთის პრეზიდენტს მოუწოდებდა, რომ განეხორციელებინა ზეწოლა პუტინზე უკრაინის სუვერენიტეტისა და ტერიტორიული მთლიანობის პატივისცემის აუცილებლობასთან დაკავშირებით.

დეტალები: ვოლოდიმირ ზელენსკისა და სი ძინპინის სატელეფონო საუბარი დღეს შედგა.

  • უკრაინის პრეზიდენტი წერს, რომ მას სჯერა საუბარი ძლიერ ბიძგს მისცემს ჩინეთისა და უკრაინის ურთიერთობების განვითარებას, ისევე როგორც უკრაინის ელჩის დანიშვნა ჩინეთში.
  • მათ სატელეფონო საუბარს გამოეხმაურა საფრანგეთის პრეზიდენტი და თქვა, რომ საფრანგეთი მოუწონებს ნებისმიერ დიალოგს, რომელიც ხელს შეუწყობს კონფლიქტის მოგვარებას უკრაინის ფუნდამენტური ინტერესებისა და საერთაშორისო სამართლის შესაბამისად.
  • მანამდე, ემანუელ მაკრონსა და სი ძინპინს შორის კომუნიკაციისას, ჩინეთის ლიდერმა განაცხადა, რომ ნებისმიერ დროს მზად იყო, ვოლოდიმირ ზელენსკისთან სატელეფონო კომუნიკაციისთვის.