ამის შესახებ ინფორმაციას საერთაშორისო მედიები ავრცელებენ.

რატომ არის მნიშვნელოვანი: ალექსეი ნავალნი ვლადიმერ პუტინის მთავარი ოპოზიციონერია, რომელსაც არაერთი წელი დევნიდნენ, მოწამლეს და ახლა პატიმრობაშია.

  • მედიის ცნობით, რუსმა ოპოზიციის ლიდერმა ოთხშაბათს განაცხადა, რომ გამომძიებლებმა მის წინააღმდეგ აღძრეს ტერორიზმის მუხლით საქმე — ნავალნს ამის გამო, დამატებით, 30 წლით თავისუფლების აღკვეთა ემუქრება.
  • პოლიტიკოსი უკვე ათწლეულზე მეტია, რაც რუსეთის მთავარი ოპოზიციური ლიდერია, ის კორუფციისა და კრემლის მხრიდან ადამიანის უფლებათა შელახვის წინააღმდეგ ბრძოლითაა ცნობილი.
  • რუსეთის ხელისუფლება მას და მის მხარდამჭერებს განიხილავს, როგორც ექსტრემისტებს შეერთებული შტატების CIA-ს სადაზვერვო სააგენტოსთან კავშირებით, რომლებიც რუსეთის დესტაბილიზაციას ცდილობენ.
  • კრემლმა აკრძალა მისი მოძრაობა და მისი ბევრი მიმდევარი იძულებული გახდა, დაეტოვებინა რუსეთი.

დეტალები: REUTER-ის ცნობით, ნავალნი ბრალდებას აბსურდულს უწოდებს და ამბობს, რომ წარმოუდგენელია, რომ მას ციხეში ყოფნისას რაიმე სახის ტერორისტული აქტი ჩაედინა.

  • მისივე თქმით, საქმეს სამხედრო სასამართლო განიხილავს.
  • "დაჟინებით ვამტკიცებ, რომ პროცესის დახურვის მცდელობა არის არა მხოლოდ საქმის გაცნობაში ხელის შეშლის მცდელობა, არამედ იმის მცდელობაც, რომ არავინ გაიგოს ამის შესახებ", — ამბობს ნავალნი.
  • მედიის ცნობით, რუსმა გამომძიებლებმა განაცხადეს, რომ 11 ადამიანი იყო საერთაშორისო ძებნაში ნავალნისთან დაკავშირებულ საქმეზე.