ახალი ამბები On.ge

ირაკლი ღარიბაშვილი

24 Apr. 2023, 14:26

იმის მიუხედავად, რომ ჯანდაცვის მინისტრმა, მისმა მოადგილემ ძალიან ავტორიტეტულმა ექიმებმა, ჯანდაცვის მსოფლიო ორგანიზაციის წარმომადგენელმა, ყველამ გააკეთა, მე ვფიქრობ, ამომწურავი კომენტარი. მათ განმარტება მისცეს, როგორც ამ იშვიათი გენეტიკური დაავადების მქონე ბავშვების ოჯახებს, მშობლებს. ბატონი მინისტრი შეხვდა თავად, მისი მოადგილეც. [...]

ჯერ კიდევ რჩება კითხვები და სამწუხაროდ, თქვენ ნახეთ, რომ ხდება გაუგონარი რამ, უპასუხისმგებლო პოლიტიკოსები, რომლებიც გამოირჩევიან სიყალბით და ფარისევლობით, აქაც ცდილობენ აი, ეს უმწიკვლო, უმწეო ბავშვები დაიყენონ წინ და აწარმოონ პოლიტიკური კამპანია.

პირველ რიგში, მე აქონდროპლაზიის დაავადების ბავშვების მშობლების მიმართ მინდა გამოვხატო ჩვენი სრული თანაგრძნობა, მე მინდა, მათ ვუთხრა, რომ ჩვენ, მთავრობა, სახელმწიფო მათ გვერდით დგას და ჩვენ გავაკეთებთ ყველაფერს, რაც საჭიროა, მაგრამ მე მინდა, მათ ვთხოვო, რომ ნუ გამოაყენებინებენ თავს და ნუ მიიღებენ ამ პოლიტიკურ კამპანიაში მონაწილეობას, ნებსით თუ უნებლიედ. [...]

არავის, არცერთ პოლიტიკოსს, ვინც ახლა ჩართულია ამ კამპანიაში, არ გახსენებია ამ ბავშვების ბედი, საერთოდ არ გახსენებიათ არც მათი მდგომარეობა, არც არაფერი.

მე-6 დღეა აქონდროპლაზიის დიაგნოზის მქონე ბავშვების მშობლები კანცელარიასთან ღამეს ათენებენ და პრემიერთან შეხვედრას უშედეგოდ ითხოვენ, ამ ფონზე კი ღარიბაშვილი ირწმუნება, რომ სახელმწიფო და მთავრობა მშობლების გვერდით დგას და ყველაფერს აკეთებს.

აქონდროპლაზიის მქონე ბავშვები და მათი მშობლები წელიწადზე მეტია, ითხოვენ სასიცოცხლოდ მნიშვნელოვან მედიკამენტს, რომელიც საქართველოში არ შემოდის და არც ფინანსდება.

0 0

კომენტარები

კვირის ტოპ-5

  1. "ქართულ ოცნებაში" საკადრო ცვლილებები განხორციელდა — ვინ ვის ანაცვლებს?
  2. ალექს საპირი: დიდი პატივია, რომ ავაშენებ Trump Tower-ს იმ ქვეყანაში, სადაც ჩემი მშობლები დაიბადნენ და გაიზარდნენ
  3. ორთვიანი განშორების შემდეგ, ნიკოლ ფაშინიანი ცოლს შეურიგდა
  4. ალბი კორძაია ლუკა ჭოხონელიძეს გაუპატიურებასა და სექსუალურ შევიწროებაში ადანაშაულებს
  5. "ნანგრევებში დავრჩებით" — ალიევის ცენტრის ასაშენებლად თბილისური ეზოს დანგრევას აპირებენ | ვიდეორეპორტაჟი

გირჩევთ

ახლა კითხულობენ