ქართული ოცნება პარტიის თავმჯდომარის ვრცელ განცხადებას აქვეყნებს.

რატომ არის მნიშვნელოვანი: კობახიძე "რამდენიმე ძირითად მიღწევაზე" საუბრობს და აქამდე არაერთხელ გაჟღერებულ ნარატივებით ცდილობს პარტიის ქებას.

• იწყებს "მეორე ფრონტის გახსნის" რიტორიკით და იმეორებს იმას, რომ საქართველოს პირველი ხელისუფლება არიან, რომლებსაც დამოუკიდებლობის აღდენის შემდეგ ქვეყანაში ომი არ ჰქონიათ.
• აპელირებს "უწყვეტ მშვიდობაზე" და ამტკიცებს, რომ "უმძიმესი წნეხის მიუხედავად", ამ მიმართულებით გამოწვევებს ღირსეულად უმკლავდებიან.

ისევ წარსული: ტრადიციულად, არ გამორჩენია წინა ხელისუფლების 9-წლიანი მმართველობის პერიოდის აღნიშნვნა, რომლითაც მუმდივად ცდილობენ, საკუთარ უპირატესობაზე ხაზგასმას.

• ამტკიცებს, რომ მათი ხელისუფლების პერიოდში წარსულს ჩაბარდა პოლიტიკურ კონტროლს დამორჩილებული სასამართლო, წერს, რომ ახლა სასამართლო დამოუკიდებელია, მედიაპლურალიზმი კი უზრუნველყოფილი.
• ეს მაშინ, როდესაც სულ რამდენიმე დღის წინ ე.წ სასამართლო კლანის გავლენიანი წევრები აშშ-ის სახელმწიფო დეპარტამენტმა დაასანქცირა, არაერთი საერთაშორისო და ადგილობრივი ორგანიზაცია კი მიუთითებს, რომ ოპოზიციური მედიების წარმომადგენლების წინააღმდეგ პოლიტიკურ მართლმსაჯულება მიმდინარეობს.
• პარტიის მმართველობას მიაწერს ევროპული ინტეგრაციის გზაზე "ხელშესახებ წინსწვლასაც" და დარწმუნებით ამბობს, რომ წელს ქვეყანა კანდიდატი ქვეყნის სტატუსს მიიღებს.

კიდევ რით იქებენ თავს: აცხადებს, რომ 2012 წელს საქართველო ეკონომიკური განვითარების სწორ გზას დაადგა, ამის არგუმენტად კი ამბობს, რომ გასული 11 წლის განმავლობაში ქართულ ეკონომიკას ორ გლობალურ და რეგიონულ ეკონომიკურ კრიზისთან მოუწია გამკლავება.

• "ორნიშა ეკონიმიკური ზრდა", "საგარეო ვალის შემცირება", "სიღარიბის დაძლევა", — ეს ტრადიციული მესიჯბოქსებიც მოხვდა მე-11 წლისთავის განცხადებაში.
• ამბობს იმასაც, რომ დღეს საქართველო ისეთი დამოუკიდებელი და სუვერენულია, როგორც არასდროს.
• "ხელისუფლებას ვეღარავინ კარნახობს და აიძულებს ისეთი ნაბიჯების გადადგმას, რომელიც ჩვენი ქვეყნის ინტერესების წინააღმდეგ იქნება მიმართული", — ისევ იმეორებს სიტყვებს, რომელსაც, ძირითადად, სტრატეგიული პარტნიორების კრიტიკული განცხადებების შემდეგ იყენებენ ხოლმე.
• კვლავ ამტკიცებს, რომ მოქმედებენ "ეროვნული ინტერესების კარნახით" და აპელირებს სამშობლოს, ეკლესიისა და ეროვნული ფასეულობების დაცვაზე.

ტრადიციული მადლობა ივანიშვილს: რა თქმა უნდა, ამით სრულდება კობახიძის განცხადება.

• დამფუძნებელს "დემოკრატიული გარდატეხის შემოქმედს" უწოდებს და წერს, რომ სწორედ მისი ღირებულებების და გუნდისთვის დატოვებული პრინციპების შედეგია მათი "მიღწევები".
• "დარწმუნებული ვარ, ამ ღირებულებებითა და პრინციპებით, ჩვენი პოლიტიკური გუნდი და, მისი მმართველობით, ჩვენი ქვეყანა განაგრძობს შეუქცევად და თანმიმდევრულ წინსვლას დემოკრატიული და ეკონომიკური განვითარების გზაზე", — ამბობს ის.