ახალი ამბები On.ge

ირაკლი ქადაგიშვილი

20 Apr. 2023, 17:18

ხშირ შემთხვევაში არასამთავრობო ორგანიზაციები მოქმედებენ არა ობიექტური და საქართველოს ინტერესების დაკვეთით, არამედ ისეთი დაკვეთით, რომელიც არ შეესაბამება საქართველოს ინტერესებს. არასამთავრობო ორგანიზაციების ნდობა არ მაქვს. 

მაგალითად, საპარლამენტო კონტროლის მექანიზმების გაზრდასთან დაკავშირებით ჩვენ ვმუშაობდით არასამთავრობო ორგანიზაციებთან ერთად. რადიკალური ოპოზიცია მონაწილეობას არ იღებდა, მხოლოდ ერთი-ორი დეპუტატი შემოდიოდა. ყველაფერი, რაც ობიექტურად ასახვას იმსახურებდა, ყველა რეკომენდაცია გათვალისწინებული იყო და არასამთავრობო ორგანიზაციები მას დაეთანხმნენ. შემდეგ ეს რეკომენდაციები და სამუშაო იმდენად ეფექტური იყო, მთელი ოპოზიცია იძულებული იყო, ხმა მიეცა იმისთვის, რაც ჩემმა კომიტეტმა გააკეთა ამ მიმართულებით. ვხედავთ პოლიტიკურ საბოტაჟს 12 რეკომენდაციის შესრულების კუთხით, უნდათ, მომზადდეს ნიადაგი, რატომ არ უნდა მიეცეს საქართველოს კანდიდატის სტატუსი. არანაირი ობიექტურობის ნიშანწყალი აქ არ არის. ამიტომაც არის, რომ ამ არასამთავრობო ორგანიზაციების ნდობის საკითხი ერთი პროცენტია და არა მეტი.

საზოგადოებრივი მაუწყებლის ინფორმაციით, ამის შესახებ პარლამენტის საპროცედურო საკითხთა კომიტეტის თავმჯდომარემ, ირაკლი ქადაგიშვილმა განაცხადა. დღეს 8 არასამთავრობო ორგანიზაციამ ერთობლივი ანგარიში გამოაქვეყნა, სადაც ნათქვამია, რომ EU-ის 12 რეკომენდაციიდან მხოლოდ ერთია შესრულებული. ქართული ოცნების წარმომადგენლები თავს ესხმიან არასამთავრობო ორგანიზაციებს და ამბობენ, რომ NGO-ები ხშირ შემთხვევაში ისეთი ინტერესებით მოქმედებენ, რომლებიც საქართველოს ინტერესებს არ შეესაბამება.

0 0

კომენტარები

კვირის ტოპ-5

  1. მართვის მოწმობის აღება მარტივდება
  2. 2013-2025 წლებში ხელფასები ნომინალურად 220%-ით და რეალურად 86%-ით გაიზარდა
  3. მთავრობა სარეზერვო ფონდიდან საპატრიარქოს 5 300 000 ლარს გამოუყოფს
  4. თუ პირის შემოსავალი 1 250 ლარია, ოჯახი სოციალურად დაუცველის სტატუსს დაკარგავს — ცვლილება კანონში
  5. ბაქო-თბილისის მატარებელზე მგზავრობის საფასური, სავარაუდოდ, 127.9 ლარი იქნება

გირჩევთ

ახლა კითხულობენ

გადახედვა

რომის პაპი საერთაშორისო საზოგადოებას მოუწოდებს, შეამცირონ AI-ის გამოყენება

რომის პაპი ლეო XIV პირველი ამერიკელი პაპია კათოლიკური ეკლესიის ისტორიაში, რომელმაც ხელოვნური ინტელექტის (AI)…