ამის შესახებ ჩინეთის საგარეო უწყების ხელმძღვანელმა გერმანელ კოლეგასთან, ანალენა ბერბოკთან გუშინ, 14 აპრილს გამართულ პრესკონფერენციაზე ისაუბრა.

რატომ არის მნიშვნელოვიანი: დასავლელმა ოფიციალურმა პირებმა ბოლო კვირებში განაცხადეს, რომ ჩინეთი რუსეთის სამხედროებისთვის იარაღის გაგზავნას განიხილავს.

  • მათი შეფასებით, ამან შეიძლება ბრძოლის მიმდინარეობა რუსეთის სასარგებლოდ შეცვალოს, რადგან მათ უპირობოთ სჭირდებათ საბრძოლო აღჭურვილობის მარაგი.
  • თებრვლის ბოლოს ჩინეთმა 12-პუნქტიანი სამშვიდობო გეგმა წარადგინა, სადაც მთავრობამ თავი ნეიტრალურ მხარედ წარმოაჩინა, თუმცა არ დაგმო უკრაინაში რუსეთის შეჭრა, ხოლო დასავლეთი სამხედრო დაძაბულობის გაღვივებაში დაადანაშაულა.

დეტალები: ჩინეთი ისევ ამტკიცებს, რომ ის კონფლიქტში ნეიტრალურია, თუმცა რუსეთს პოლიტიკურად და ეკონომიკურად მხარს უჭერს მას შემდეგ, რაც დასავლურმა ქვეყნებმა მას სანქციები დაუწესეს.

  • ცინ განგის თქმით, "სამხედრო ნივთების ექსპორტთან დაკავშირებით ჩინეთი ფრთხილ და პასუხისმგებლიან დამოკიდებულებას იჩენს".
  • მისი მტკიცებით, ჩინეთი არ მიაწვდის იარაღს არცერთ მხარეს.
  • მან ასევე გაიმეორა, რომ ჩინეთი მზადაა, დაეხმაროს მათ კონფლიქტის მშვიდობიანად მოგვარებაში.
  • თეთრი სახლი მიესალმა ჩინეთის საგარეო უწყების ამ დაპირებას, თუმცა აღნიშნა, რომ ჩინეთის ამგვარი მიმართულებით მოძრაობის არ სჯერათ.