რატომ არის მნიშვნელოვანი: უნგრეთის პრემიერმინისტრი ვიქტორ ორბანი ევროკავშირში რუსეთის პრეზიდენტის უახლოესი მოკავშირედ განიხილება, რის გამოც უკრაინასა და უნგრეთს შორის ურთიერთობა დაძაბულია.

  • ორბანი ხშირად ეწინააღმდეგება რუსეთის წინააღმდეგ ევროკავშირის სანქციებს, თუმცა კრიტიკის მიუხედავად, არაერთ მათგანს დაუჭირა მხარი.
  • აცხადებს იმასაც, რომ რუსეთთან ურთიერთობის გაწყვეტა "მათ ეროვნულ ინტერესებს ეწინააღმდეგება".
  • მას ისიც ჰგონია, რომ ომი ესაა კონფლიქტი "ორ სლავურ ქვეყანას შორის".
  • არსებული ინფორმაციით, ამერიკის შეერთებული შტატების კონგრესი უნგრეთში წამყვანი პოლიტიკოსებისა და ოფიციალური პირების წინააღმდეგ სანქციების დაწესებას გეგმავს.

დეტალები: ორბანმა თქვა, რომ უკრაინა "ფინანსურად არარსებული ქვეყანაა" და პარტნიორების მხარდაჭერის გარეშე ომი დაუყოვნებლივ დასრულდება.

  • მან აღნიშნა, რომ ევროპა უზრუნველყოფს თანხის გაცემას უკრაინაში ხელფასებისთვის, პენსიებისთვის, განათლებისა და ჯანდაცვის სისტემებისთვის, ამიტომ არ შეიძლება, ეს მუდმივად გაგრძელდეს.
  • ორბანის განცხადებას პატივისცემა გამოუცხადა რუსეთის უშიშროების საბჭოს თავმჯდომარის მოადგილემ, დიმიტრი მედვედევმა
  • მედვედევის თქმით, "დასავლური დაფინანსება როგორც კი დასრულდება, უკრაინა თავადაც დასრულდება".

უკრაინის საგარეო საქმეთა სამინისტროს სპიკერმა, ოლეგ ნიკოლენკომ ორბანის განცხადებას ცინიკური უწოდა.

  • "ცინიკურია, რომ უნგრეთის მთავრობა საუბრობს სხვა ქვეყნის ფინანსურ საკითხებზე, მაშინ, როცა თავად უნგრეთი იღებს დიდ თანხას ევროკავშირისგან მისი ეკონომიკური სტაბილურობის მხარდასაჭერად", — თქვა მან.