ბაიდენის ადმინისტრაციის წარმომადგენლების განცხადებით, ტვიტერსა და ტელეგრამზე გამოჩნდა საიდუმლო დოკუმენტები, რომლებიც დეტალურად ასახავს ამერიკისა და ნატოს საიდუმლო გეგმებს უკრაინის კონტრშეტევასთან დაკავშირებით.

რატომ არის მნიშვნელოვანი: ანალიტიკოსებმა განაცხადეს, რომ დოკუმენტების ნაწილები ავთენტურია, რაც რუსეთს ღირებულ ინფორმაციას მიაწვდის, როგორიცაა იარაღისა და ჯარების მიწოდების გრაფიკი, უკრაინული ჯარების რაოდენობა და სხვა სამხედრო დეტალები.

  • პენტაგონი იძიებს, ვინ დგას სოციალურ პლატფორმებზე დოკუმენტების გაჟონვის უკან.
  • ივარაუდება, რომ დოკუმენტები გარკვეულ ნაწილებში შეცვლილია თავდაპირველი ფორმატიდან, სადაც ჭარბადაა მოყვანილი უკრაინელების მსხვერპლი და არ არის შეფასებული რუსების დანაკარგები.
  • ანალიტიკოსების თქმით, ცვლილებები შეიძლება მიუთითებდეს მოსკოვის მხრიდან დეზინფორმაციის მცდელობაზე, ხოლო საიდუმლო ინფორმაციის გაჟონვა რუსული დაზვერვის პირველი სერიოზული მიღწევაა უკრაინაში ომის დაწყების შემდეგ.

დეტალები: დოკუმენტები არ შეიცავს კონკრეტულ საბრძოლო გეგმებს, მაგალითად, როგორ, როდის და სად აპირებს უკრაინა შეტევის დაწყებას.

  • დოკუმენტებში ასახულია, აშშ-სა და უკრაინის შეხედულებები, თუ რა შეიძლება დასჭირდეს უკრაინულ ჯარებს კამპანიისთვის 1-ლი მარტის მდგომარეობით.
  • მაგრამ დოკუმენტების გამჟღავნება, სადაც ჩანს, როგორც იარაღის მიწოდების, ჯარებისა და ბატალიონის სიძლიერის, და სხვა გეგმების სქემების ფოტოები, წარმოადგენს ამერიკული დაზვერვის მნიშვნელოვან მარცხს უკრაინის დახმარების მცდელობაში.
  • დოკუმენტებში მოხსენიებულია HIMARS-ის ხარჯვის მაჩვენებელი — რომელიც ამერიკის მიერ მიწოდებული მაღალი მობილურობის საარტილერიო სარაკეტო სისტემებია და აქამდე მისი მოხმარების ხარჯებთან დაკავშირებით ინფორმაცია არ გავრცელებულა.