ამის შესახებ უწყება განცხადებას ავრცელებს.

რატომ არის მნიშვნელოვანი: გუშინ პარლამენტმა დაუგეგმავად განიხილა და პირველი მოსმენით მხარი დაუჭირა რუსულ კანონპროექტს.

  • გასაპროტესტებლად მოქალაქეებმა პარლამენტთან დაიწყეს შეკრება.
  • ადგილზე მობილიზებული იყვნენ პოლიცია და სპეცრაზმი — არაერთხელ გამოიყენეს ცრემლსადენი გაზი და წყლის ჭავლი.
  • რუსული კანონის საწინააღმდეგო აქციაზე 66 პირი დააკავეს.

დეტალები: სპეციალური საგამოძიებო სამსახურის თქმით, უფლებამოსილების ძალადობით შესაძლო გადამეტების ფაქტზე, გამოძიება სისხლის სამართლის კოდექსის 333-ე მუხლის მესამე ნაწილის ბ ქვეპუნქტით გათვალისწინებული დანაშაულის ნიშნებით დაიწყო.

  • უწყებაში განმარტავენ, რომ ატარებენ ყველა საჭირო საგამოძიებო და საპროცესო მოქმედებას ობიექტური გამოძიების უზრუნველსაყოფად.