ამის შესახებ ლაშა სუხიშვილმა ტელეკომპანია ფორმულასთან ისაუბრა.

რატომ არის მნიშვნელოვანი: სეისმური მონიტორინგის ეროვნული ცენტრის განცხადებით, საქართველოში ბოლო 24 საათში სამი მიწისძვრა დაფიქსირდა.

  • პირველი შემთხვევა გუშინ საღამოს, თბილისის დროით 19:33 საათზე, ოზურგეთთან, ბახმაროდან 3 კილომეტრში, 4,3 მაგნიტუდის სიდიდის მიწისძვრა მოხდა.
  • მეორე შემთხვევა დღეს, თბილისის დროით 12:07 საათზე, კურორტ ბახმაროდან 2 კილომეტრში, 4,4 მაგნიტუდის სიდიდის დაფიქსირდა.
  • ხოლო მესამე 12:21 საათზე, ბახმაროდან 5 კილომეტრში, 3,3 მაგნიტუდის სიდიდის.

დეტალები: სუხიშვილის განმარტებით, ბახმაროს მიმდებარედ, სხვადასხვა წლებში დაფიქსირდა მიწისძვრები, მათ შორის, 2014-2019 წლებშიც, ამიტომ განსაკუთრებული პანიკის საფუძველი არ გვაქვს.

  • მისი თქმით, ამჯერად განსაკუთრებული არაფერი ხდება და მხოლოდ ფონია თურქეთის მოვლენებიდან გამომდინარე, რაც ხალხში შიშს იწვევს, თუმცა ამის საფუძველი არ არსებობს.
  • ამბობს, რომ მიმდინარე მოვლენების გამო, განსაკუთრებული ყურადღება გვაქვს გამახვილებული და სენსიტიურად აღვიქვამთ ამგვარ ინფორმაციას.
  • მისი თქმით, საქართველოს მთელ ტერიტორიაზე არის ზუსტად ისეთივე სეისმური საშიშროება, როგორიც იყო თურქეთის მოვლენებამდე — არ ვართ კარგ მდგომარეობაში, მაგრამ არც მანამდე ვიყავით, ზუსტად იგივე სიტუაციაა.
  • განმარტავს, რომ თურქეთში ძლიერი მიწისძვრები ხშირად ხდება, შეიძლება ითქვას, რომ ყოველ 5 წელში ერთხელ და ამას, შესაძლოა, რაიმე ასახვა ჰქონდეს საქართველოს მოვლენებზე.
  • მაგრამ არც წარსულში და არც ამჯერად არ ველოდებით, რომ რაიმე პირდაპირი გავლენა ექნება საქართველოში ძლიერი მიწისძვრის გენერირებაზე.