ამის შესახებ ქართული ოცნების აღმასრულებელმა მდივანმა ბრიფინგზე ისაუბრა.

რატომ არის მნიშვნელოვანი: ევროკავშირის მიერ გაცემულ 12 რეკომენდაციაში, ერთ-ერთი სახალხო დამცველის გამჭვირვალედ და დემოკრატიულად არჩევას უკავშირდება.

  • მოქმედ სახალხო დამცველს, ნინო ლომჯარიას უფლებამოსილების ვადა 2022 წლის 8 დეკემბერს ეწურება;
  • ახალი სახალხო დამცველის ასარჩევად პარლამენტს 90 ხმა სჭირდება, ცალკეულ პარტიას დამოუკიდებლად კი ამდენი ხმა არ აქვს.

დეტალები: მდინარაძემ აღნიშნა, რომ სახალხო დამცველობის 19 კანდიდატიდან 3-მა კანდიდატურა მოხდა, ერთი კი პარლამენტში საერთოდ არ გამოცხადდა.

  • მისი თქმით, დარჩენილებიდან 7-ზე "გამოიკვეთა, რომ კონსულტაციების გაგრძელებას აზრი არ აქვს".
  • "თუკი არცერთი პოლიტიკური ჯგუფი, ქართული ოცნების ჩათვლით, არ უჭერს მხარს კანდიდატს, ბუნებრივია, კონსულტაციებს არანაირი აზრი არ აქვს".
  • მან დაასახელა 8 კანდიდატი, რომლებზეც, მისი თქმით, ოპოზიციასთან კონსულტაციების გამართვას გააგრძელებენ.

სია ასეთია — ანა აბაშიძე, გიორგი ბურჯანაძე, ლელა გაფრინდაშვილი, თინათინ ერქვანია, გიორგი მარიამიძე, ნუგზარ კოხრეიძე, ქეთევან ჩაჩავა და იაგო ხვიჩია.

  • მდინარაძის თქმით, დასახელებულ კანდიდატებზე კონსულტაციების გაგრძელება არ ნიშნავს, რომ რომ "უმრავლესობა საპარლამენტო უმრავლესობისთვის მისაღებია".
  • მისი თქმით, გამორიცხვის მეთოდით მივიდნენ დასკვნამდე, რომ სხვა კანდიდატებზე კონსულტაციების გაგრძელებას აზრი არ აქვს.