აშშ-ის სანაპირო დაცვის განცხადებით, შემთხვევა მექსიკის ყურეში მოხდა.

რატომ არის მნიშვნელოვანი: აშშ-ს სანაპირო დაცვის ლეიტენანტის განცხადებით, მის 17-წლიან კარიერაში ეს პირველი შემთხვევაა, როცა ადამიანმა წყალში 15 საათზე მეტი ხანი დაყო და გადარჩა.

  • ხუთშაბათს ღამით ყურეში წყლის ტემპერატურა ოდნავ აღემატებოდა 21 გრადუსს.
  • უცნობია, როგორ ჩავარდა მამაკაცი წყალში გემიდან, რომელიც მექსიკაში, კოტუმელში მიცურავდა.

დეტალები: ოთხშაბათს ღამით, 28 წლის კაცი დასთან ერთად იმყოფებოდა Carnival Valor-ის გემზე.

  • იგი ბარიდან გაუჩინარდა, რის შემდეგაც ადგილზე სამაშველო ეკიპაჟი გამოიძახეს.
  • კაცი ხუთშაბათ საღამოს, ლუიზიანას სანაპიროდან 30 კმ-ის დაშორებით იპოვეს.
  • მან შეძლო თავის იდენტიფიცირება და დაადასტურა, რომ ის ადამიანია, რომელიც ზღვაში ჩავარდა.
  • სანაპიროს დაცვის ინფორმაციით, კაცი ჰიპოთერმიის, შოკის და დეჰიდრატაციის ნიშნებს ავლენდა, თუმცა მისი ჯანმრთელობის მდგომარეობა სტაბილურია.