ინფორმაციას ქვეყნის პრეზიდენტი, ვიცე-პრემიერი და ენერგეტიკის მინისტრი ავრცელებენ.

დეტალები: Reuters-ის ჟურნალისტის ცნობით, დედაქალაქ კიშინიოვში ელექტროენერგია უკვე აღდგა.

  • ელექტროენერგიის გათიშვა ასევე დაფიქსირდა რუსეთის მიერ მხარდაჭერილ დნესტრისპირეთის სეპარატისტულ რეგიონში, ნათქვამია ადგილობრივი შინაგან საქმეთა სამინისტროს განცხადებაში.
  • მოგვიანებით რეგიონის "დედაქალაქ" ტირასპოლში ელექტროენერგია აღდგა.
  • მოლდოვის პოლიციამ და კომპანიამ, რომელიც ელექტროენერგიას აწვდის ქვეყნის სამხრეთსა და ცენტრს, სთხოვა ხალხს სიმშვიდის შენარჩუნება და სიფრთხილის ზომების მიღება.

მაია სანდუმ განაცხადა, რომ რუსეთმა მოლდოვა წყვდიადში ჩაძირა და არ შეუძლიათ, ენდონ რეჟიმს, რომელიც მათ შუქისა და სითბოს გარეშე ტოვებს.

  • მისი თქმით, ელექტროენერგიის მიწოდება მალე აღდგება და შესაბამისი სამთავრობო უწყებები უკვე მუშაობენ.

რატომ არის მნიშვნელოვანი: რუსეთი ინტენსიურად ბომბავს უკრაინულ დასახლებებსა და ინფრასტრუქტურას, რაც მოსალოდნელი ცივი ზამთრის პირობებში განსაკუთრებით სახიფათოა.

  • ბოლო რამდენიმე დაბომბვის შედეგად ქვეყნის ინფრასტრუქტურის ნახევარი დაზიანდა და მთელ ქვეყანაში ელექტროენერგიის გათიშვა გახდა საჭირო.
  • ანალიტიკოსების შეფასებით, რუსეთი ამ ფორმით ცდილობს, უკრაინას დანებებისკენ, ან მოლაპარაკებებისკენ უბიძგოს.
  • დღევანდელი თავდასხმის შედეგად კიევის მთელ ტერიტორიაზე შეფერხდა ენერგიისა და წყლის მიწოდება — ვიტალი კლიჩკო არ გამორიცხავს, რომ დედაქალაქის ზოგიერთ მაცხოვრებელს ევაკუაცია მოუწიოს, თუ ელექტროენერგიის მიწოდება კიდევ უფრო გაუარესდება და ტემპერატურა დაეცემა.
  • მანვე განაცხადა, რომ "მეორე მსოფლიო ომის შემდეგ ყველაზე ცუდი ზამთარი" ელით, რადგან უკრაინის დედაქალაქს ასეთი "საშინელი ზამთარი" მას შემდეგ არ განუცდია.