მმართველი პარტიის წარმომადგენლებმა სააპელაციო სასამართლოს გადაწყვეტილების გამოცხადების შემდეგ მედიასთან პირველი განცხადებები გააკეთეს.

რატომ არის მნიშვნელოვანი: ხელისუფლებისადმი კრიტიკულად განწყობილი მთავარი არხის დამფუძნებელი, ნიკა გვარამია დღეს, 2 ნოემბერს სააპელაციო სასამართლომ 3 წლითა და 6 თვით პატიმრობაში დატოვა.

  • სააპელაციომ გვარამიასთვის წარდგენილი გაფლანგვის მუხლი სსკ-ის 220-ე, უფლებამოსილების ბოროტად გამოყენების მუხლით გადააკვალიფიცირა.
  • ის დამნაშავედ ამ მუხლის ორ ეპიზოდში — 2015 წლისა და 2019 წლის ე.წ. მანქანის ეპიზოდებზე ცნეს.
  • სასჯელის შთანთქმის პრინციპით გვარამიას თავისუფლების აღკვეთა 3 წლითა და 6 თვით განესაზღვრა.

ირაკლი ზარქუა ამბობს, რომ საქართველო სამართლებრივი სახელმწიფოა, რომელიც კანონებით იმართება და ჟურნალისტობა ან დეპუტატობა "არა და ვერ გახდება დანაშაულზე პასუხისმგებლობის აცილების ინდულგენცია".

  • "ჩვენ გვაქვს სახელმწიფო, სადაც მედიას მხარს უჭერენ და მედია თავისუფალია ტირანიისგან [...]".
  • "მგონია, რომ ეს პროცესი, რაც მიმდინარეობს სასამართლოში, არის სამართლიანობის აღდგენა".

დავით სერგეენკოს თქმით, სასამართლოს გადაწყვეტილებას ევროკავშირის რეკომენდაციებთან ვერ აკავშირებს და ამბობს, რომ გადაწყვეტილებას ვერ შეაფასებს, რადგან ამის შესახებ "5 წუთის წინ" გაიგო.

  • კიდევ ერთი დეპუტატი, მაია ბითაძე აცხადებს, რომ სასამართლო გადაწყვეტილებაში ჩარევისა და შეფასების "არანაირი უფლება არ აქვს".

  • "ერთის მწამს როგორც იურისტს და როგორც მოქალაქეს, რომ მართლმსაჯულება ერთნაირია ყველასთვის, მიუხედავად დაკავებული მიმდინარე თუ წარსული თანამდებობისთვის".

  • "როგორც ჩემთვის, ასევე, მედიამენეჯერი იქნება, თუ ყოფილი იუსტიციის მინისტრი".

კომენტარი არ გააკეთა ნინო წილოსანმა და ფორმულასა და მთავარ არხს უთხრა რომ "ასე ინდივიდუალურად ვერ ჩაეწერება".

  • შემდეგ კი დაამატა: "სამწუხაროდ, თქვენს ტელევიზიებს, გამომდინარე იქიდან, რომ მანიპულირებს ჩვენი კომენტარებით, არ გეწერებით".
  • სააპელაციოს გადაწყვეტილების შეფასებაზე მედიას უარი უთხრა მიხეილ სარჯველაძემ, ირაკლი ქადაგიშვილმა და ელისო ბოლქვაძემაც.