ალტე უნივერსიტეტი 5 ნოემბერს, პირველ საათზე, აბიტურიენტებს კლუბის გახსნაზე იწვევს.

"აბიტურიენტო, შენს რთულ გრაფიკზე ვიცით, ისიც ვიცით, რომ უკვე დაიღალე და განტვირთვა და თანამოაზრეებთან ურთიერთობა გჭირდება, სწორედ ამიტომ, გელოდებით ჩვენთან, ალტე უნივერსიტეტში (უნივერსიტეტის ქ. #2), შენც გახდი აბიტურიენტების კლუბის წევრი".

აბიტურიენტების კლუბი ალტე უნივერსიტეტის ბაზაზე შეიქმნა. იგი აერთიანებს აბიტურიენტებს მთელი საქართველოდან, ეხმარება მათ ეროვნულ გამოცდებთან დაკავშირებული ტექნიკური საკითხების მოგვარებასა და სტრესთან გამკლავებაში.

რა გელოდებათ აბიტურიენტების კლუბში?

  • პროფესიული ორიენტაციის შეხვედრები;
  • ეროვნული გამოცდებისთვის მოსამზადებელი ვორქშოფები;
  • იმიტირებული გამოცდები;
  • პერსონალური კონსულტანტის სერვისი;
  • სტრესის მართვის ტრენინგები;
  • ინტელექტუალური თამაშები;
  • შემეცნებითი პროექტები;
  • საგანმანათლებლო კონკურსები;
  • ბანაკები.

აბიტურიენტების კლუბის გახსნაზე დასასწრებად, რეგისტრაციის გავლა შეგიძლიათ აქ. ასევე, შეგიძლიათ შეუერთდეთ აბიტურიენტების კლუბს FB ჯგუფში.