ინფორმაციას რუსეთის საელჩოს თანამშრომლის პერსონა ნონ გრატად გამოცხადებაზე მოლდოვას საგარეო საქმეთა სამინისტრო ავრცელებს.

რატომ არის მნიშვნელოვანი: გადაწყვეტილება მას შემდეგ მიიღეს, რაც უკრაინის საჰაერო თავდაცვის სისტემის მიერ მოგერიებული ერთ-ერთი რუსული რაკეტა მოლდოვის ტერიტორიაზე ჩამოვარდა.

  • ქვეყნის საგარეო უწყებაში თანამშრომლის ვინაობა არ დაუსახელებიათ, თუმცა, როგორც განცხადებაშია ნათქვამი, მას უკვე აცნობეს გადაწყვეტილების შესახებ.

დეტალები: სამინისტროს განცხადებით, დიპლომატს უთხრეს, რომ მეზობელ ქვეყანაზე სარაკეტო თავდასხმები უსაფრთხოების რისკებს ზრდის და მოლდოვის მოქალაქეები სულ უფრო მეტად გრძნობენ ომის დამანგრეველ შედეგებს.

  • "უკრაინის ენერგეტიკულ ინფრასტრუქტურაზე თავდასხმები, ასევე, მზარდ საფრთხეებს წარმოადგენს მოლდოვის ენერგეტიკული უსაფრთხოებისთვის", — ნათქვამია განცხადებაში.
  • რუსული პროსახელისუფლებო მედიები რუსეთი საგარეო უწყებაზე დაყრნობით წერენ, რომ "მოსკოვი მოლდოვას ამ ნაბიჯს უპასუხებს", თუმცა დამატებით დეტალებზე არ საუბრობენ.