პროკურატურის ინფორმაციით, ბრალდებული სამართალდამცავებმა 28 ოქტომბერს დააკავეს.

რატომ არის მნიშვნელოვანი: უწყების ცნობით, სამგზავრო ავტობუსის მძღოლმა ისე დაძრა სატრანსპორტო საშუალება, რომ არ დარწმუნდა მანევრის უსაფრთხოდ განხორციელებაში.

  • მიღებული ჯანმრთელობის დაზიანების შედეგად 3 წლის ბავშვი საავადმყოფოში მიყვანამდე დაიღუპა.

დეტალები: მუნიციპალური ავტობუსის მძღოლს ბრალდება საქართველოს სისხლის სამართლის კოდექსის 276-ე მუხლის მე-6 ნაწილით წაუყენეს, რაც ავტომობილის მოძრაობის უსაფრთხოებისა ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია.

  • დანაშაული 4-დან 7 წლამდე თავისუფლების აღკვეთას ითვალისწინებს.