ჯაჰრა, 54 წლის ინდონეზიელი ქალი, გასულ კვირას გაუჩინარდა. ძებნის შემდეგ, მისი ცხედარი 6-მეტრიანი პითონის მუცელში იპოვეს.

დეტალები: ჯაჰრა რეზინის ხის პლანტაციაში მუშაობდა. მას შემდეგ, რაც იგი სამსახურიდან არ დაბრუნდა, ოჯახის წევრებმა პოლიცია გამოიძახეს და დაიწყეს მისი ძებნა ახლომდებარე ტყიან ადგილებში.

  • კვირა დილას, სამძებრო ჯგუფმა იპოვა ბადისებრი პითონი, რომელსაც მუცელი ამობურცული ჰქონდა.
  • ადგილობრივებმა პითონი გაკვეთეს და ცხედარს მიაგნეს.

რატომ არის მნიშვნელოვანი: ეს არ არის პირველი შემთხვევა, როცა ინდონეზიაში ადამიანი პითონმა მოკლა და შეჭამა.

  • ბუნების დაცვის საერთაშორისო კავშირის ინფორმაციით, ბადისებრი პითონები ყველაზე დიდი გველები არიან მსოფლიოში, ზოგიერთი მათგანი 8 მეტრის სიგრძემდე იზრდება და 131 კილომდე იწონის.
  • პითონი საკვებს მთლიანად ყლაპავს.
  • პითონები როგორც წესი ჭამენ ვირთხებს და სხვა ცხოველებს, მაგრამ როცა გარკვეულ ზომას აღწევენ, ეს კალორაჟი მათ აღარ აკმაყოფილებთ.