ამის შესახებ სტატისტიკური მონაცემები პარლამენტს შსს-მ მიაწოდა.

რატომ არის მნიშვნელოვანი: ომის დაწყების შემდეგ საქართველოში რუსეთისა და ბელარუსის ათასობით მოქალაქე შემოვიდა, განსაკუთრებით, მათი სიმრავლე შესამჩნევი იყო ტურისტულ ზონებში — ისინი ქვეყანას სხვადასხვა მიზეზით ტოვებენ, სანქციებისთვის თავის ასარიდებლად, პოლიტიკური დევნისგან დასაღწევად და ა.შ.

  • რუსეთიდან შემომსვლელთა რიცხვი, განსაკუთრებით, მას შემდეგ გაიზარდა, რაც პუტინმა ქვეყანაში მობილიზაცია გამოაცხადა. ამის გამო საქართველოს საზღვართან რუსების რამდენიმეკილომეტრიანი რიგები იყო.
  • სამოქალაქო საზოგადოება და ოპოზიცია მათ უკონტროლო შემოდინებაში საფრთხეს ხედავს და საზღვრის ჩაკეტვას მოითხოვდა.
  • ოკუპანტი ქვეყნის მოქალაქეები საქართველოში ირეგისტრირებენ ქონებასა და ბიზნესს, იღებენ მოქალაქეობასაც.

დეტალები: საქართველო ჯერ კიდევ არ დაუტოვებია რუსეთის 112 733 მოქალაქეს, ქვეყანაში რჩება ბელარუსის 13 151 მოქალაქეც.

  • ეს ადამიანები საქართველოში 2022 წლის პირველ იანვარს შემოვიდნენ, თუმცა სამშობლოში ამ დრომდე არ დაბრუნებულან.

გარდა ამისა, საქართველოში მცხოვრები რუსების რიცხვი 4-ჯერ მაინც აღემატება უკრაინის აქ მყოფ მოქალაქეთა რაოდენობას.

  • შსს-ს ინფორმაციით, საქართველოში ამ დროისთვის 25 799 უკრაინელი ცხოვრობს.