ინფორმაციას საერთაშორისო მედიები ადგილობრივ სამართალდამცავებზე დაყრდნობით ავრცელებენ.

რატომ არის მნიშვნელოვანი: შეიარაღებულმა პირმა სკოლაში მყოფებს ცეცხლი გაუხსნა, რასაც 2 ადამიანი ემსხვერპლა, მათ შორის, ერთი თინეიჯერია.

  • არსებული ინფორმაციით, მინიმუმ 7 ადამიანი დაშავდა.
  • The New York Times წერს, რომ შეიარაღებული პირი პოლიციამ ორმხრივი სროლის დროს მოკლა.

დეტალები: თავდამსხმელი სკოლაში დილით, სასწავლო დღის დაწყებისას შეიჭრა.

  • მოსწავლეები იძულებული იყვნენ თავის გადასარჩენად ფანჯრებიდან გადმომხტარიყვნენ.
  • ერთ-ერთი გადარჩენილი ამბობს, რომ პირისპირ შეეჩეხა მსროლელს, მაგრამ გამოქცევა შეძლო, როცა იარაღმა გაჭედა და სროლა ვერ მოახერხა.
  • პოლიციაში ამბობენ, რომ თავდამსხმელი 20 წლის იყო და დამატებითი ინფორმაციას მის ვინაობაზე არ ამხელენ.
  • უცნობია ისიც, იყო თუ არა გარდაცვლილი ქალი სკოლის მასწავლებელი.