ძალოვანი უწყების ვერსიას რუსული პროპაგანდისტული მედია ავრცელებს.

რატომ არის მნიშვნელოვანი: რუსეთის ქალაქ იესკში სამხედრო თვითმფრინავი სუ-34 საცხოვრებელ კორპუსს 17 ოქტომბერს დაეცა.

  • თავდაპირველ ვერსიად ტექნიკის გაუმართაობა ან მფრინავების შეცდომა განიხილებოდა.
  • თუმცა, ტრადიციულად, რუსული მხარე საკუთარ მარცხსა და წარუმატებლობებს ამჯერადაც უარყოფს.

დეტალები: რუსული მედიის ინფორმაციით, თვითმფრინავის ძრავის აალება მასში გაჭედილმა 2 თოლიამ გამოიწვია.

  • "მათი [თოლიების] ნაშთები ექსპერტებმა თვითმფრინავის ნამსხვრევების შესწავლისას იპოვეს", — აცხადებენ საგამოძიებო უწყებაში.
  • ბოლო ინფორმაციით, შემთხვევის შედეგად 14 ადამიანი დაიღუპა, 19 კი დაშავდა.

გარდა ამისა, სამხედრო თვითმფრინავი სუ-30 რუსეთის ქალაქ ირკუტსკში საცხოვრებელ კორპუსს გუშინაც დაეჯახა.

  • რუსეთის საგანგებო სიტუაციების სამსახურის განცხადებით, თვითმფრინავი საცდელ ფრენას ასრულებდა.
  • შემთხვევის შედეგად ორივე პილოტი დაიღუპა.