დიდი ბრიტანეთის ყოფილმა პრემიერმინისტრმა კონსერვატიული პარტიის ლიდერობასა და კენჭისყრაში მონაწილეობაზე უარი თქვა.

რატომ არის მნიშვნელოვანი: დიდი ბრიტანეთის პრემიერმინისტრი ლიზ ტრასი არჩევიდან 45 დღეში გადადგა.

  • ბრიტანეთში წელს უკვე მეორედ, კონსერვატიული პარტიის დეპუტატებმა პარტიის თავმჯდომარე და ქვეყნის პრემიერმინისტრი უნდა აირჩიონ.
  • კენჭისყრის საბოლოო შედეგები პარასკევს 28 ოქტომბერს გამოცხადდება — სწორედ ამ დრეს გახდება ცნობილი ვინ იქნება ქვეყნის ახალი პრემიერმინისტრი.

დეტალები: ჯონსონის განცხადებით, ძალიან კარგი შანსი იყო, რომ კონსერვატიულ წევრებთან ერთად არჩევნებში წარმატებული ყოფილიყო, მაგრამ ბოლო დღეებში მივიდა დასკვნამდე, რომ "ეს უბრალოდ არ იქნებოდა სწორი".

  • "ვერ ვმართავ ეფექტურად, სანამ პარლამენტში ერთიანი პარტია არ გეყოლება".
  • უნდა აღინიშნოს, რომ ჯონსონს 102 დეპუტატის მხარდაჭერა ჰქონდა, არჩევნებში მონაწილეობისთვის კი კანდიდატს, სულ მცირე, 100 დეპუტატის მხარდაჭერა სჭირდება.

გუშინ, 23 ოქტომბერს ყოფილმა ფინანსთა მინისტრმა, რიში სუნაკმა დაადასტურა, რომ კონსერვატიული პარტიის ლიდერის არჩევნებში მონაწილეობას იღებს.

  • ჯონსონმა აღნიშნა, რომ მას შემდეგ ეტაპზე გადასასვლელად საკმარისი რაოდენობის ხმა ჰქონდა, თუმცა ბევრად ნაკლები, ვიდრე სუნაკს.