ამის შესახებ დიდი ბრიტანეთის ყოფილი ფინანსთა მინისტრი რიში სუნაკი Twitte-ზე წერს.

რატომ არის მნიშვნელოვანი: დიდი ბრიტანეთის პრემიერმინისტრი ლიზ ტრასი არჩევიდან 45 დღეში გადადგა.

  • ბრიტანეთში წელს უკვე მეორედ, კონსერვატიული პარტიის დეპუტატებმა პარტიის თავმჯდომარე და ქვეყნის პრემიერმინისტრი უნდა აირჩიონ.
  • კენჭისყრის საბოლოო შედეგები პარასკევს 28 ოქტომბერს გამოცხადდება — სწორედ ამ დრეს გახდება ცნობილი ვინ იქნება ქვეყნის ახალი პრემიერმინისტრი.

დეტალები: რიში სუნაკმა, არჩევნებში მონაწილეობა ოფიციალურად დაადასტურა და თქვა, რომ სურს, გამოასწოროს ეკონომიკური მდგომარეობა. ის პარტიის ლიდერის წინა არჩევნებში ლიზ ტრასის ოპონენტი იყო და დამარცხდა.

  • კანდიდატობის სურვილი საჯაროდ გამოთქვა პენი მორდანტმაც.
  • დიდი ბრიტანეთის ყოფილ პრემიერმინისტრს, ბორის ჯონსონს ჯერ კიდევ არ აქვს ოფიციალურად გამოცხადებული, რომ ის აპირებს კენჭისყრაში მონაწილეობას.
  • ლეიბორისტული პარტიის ლიდერმა, სერ კირ სტარმერმა კვლავ მოითხოვა საყოველთაო არჩევნები და კონსერვატიულ პარტიას "ქაოტური ცირკი" უწოდა.

BBC-მ შეაგროვა მონაცემები, თუ რამდენი დეპუტატი უჭერს მხარს ამა თუ იმ კანდიდატს. ჯერ ცნობილი არ არის ყველა დეპუტატის გადაწუვეყილება.

  • რიში სუნაკი — 136 დეპუტატი
  • ბორის ჯონსონი — 56 დეპუტატი
  • პენი მორდანტი — 23 დეპუტატი

პროცედურები: არჩევნებში მონაწილეობისთვის კანდიდატს კონსერვატიული პარტიის სულ მცირე 100 დეპუტატის მხარდაჭერა სჭირდება.

  • ხმების საჭირო რაოდენობა ლიდერობის მსურველებმა ხვალ, 24 ოქტომბრამდე უნდა მოიპოვონ.