ინფორმაციას ამის შესახებ უკრაინის გენერალური შტაბი ავრცელებს.

რატომ არის მნიშვნელოვანი: 29 აგვისტოს უკრაინა შეტევაზე გადავიდა, ფრონტის ხაზზე წინ მიიწევს და წარმატებულად ათავისუფლეს დასახლებებს.

  • დღეს ომის კვლევის ინსტიტუტმა ანგარიშში აღნიშნა, რომ ოკუპანტებმა დასავლეთ ხერსონიდან უკან დახევა დაიწყეს.
  • Unian კი წერდა, რომ ქვეყნის სამხრეთით უკრაინელი სამხედროები აქტიურად ანადგურებენ მტერს და მის მნიშვნელოვან ობიექტებს, ასევე აღჭურვილობასა და იარაღს.
  • აქამდე უკრაინას ხერსონის რეგიონში 88 დასახლებული პუნქტი ჰქონდა გათავისუფლებული.

დეტალები: უწყება წერს, რომ საოკუპაციო ძალების ცალკეული ნაწილები ხერსონის ოლქის დროებით ოკუპირებული ტერიტორიებიდან წასვლას განაგრძობენ.

  • არსებული ინფორმაციით, კი მტერმა სრულად დატოვა ჩარივნისა და ჩკალოვის დასახლებები.
  • ასევე, მიუთითებენ, რომ ხერსონში გაზრდილია ძარცვისა და უკანონო ქმედებების შემთხვევები და ოკუპანტები მოსახლეობას მანქანებს ართმევენ და ქალაქის დატოვებას ცდილობენ.

ზაპოროჟიე: გენშტაბის განცხადებით, უკრაინელმა სამხედროებმა ოკუპანტების, როგორც ცოცხალი ძალის, ასევე, ტექნიკის დაზიანება შეძლეს.

  • კერძოდ, მოკლეს 200 სამხედრო, 150-ე მეტი კი დაიჭრა. ასევე, განადგურდა საბრძოლო მასალის საწყობი და იარაღები.

სხვა რეგიონები: მათივე თქმით, უკრაინელებმა ბოლო დღის განმავლობაში მოიგერიეს ოკუპანტების თავდასხმები დონეცკის ოლქის სხვადასხვა დასახლებაში, მათ შორის ბახმუტსა და ოდრადივკაში.

  • გენშტაბის ცნობითვე, სამხედროებმა ჩამოაგდეს რუსების 20 საკრუიზო რაკეტა და 11 უპილოტო საფრენი აპარატი, რომლითაც ისინი ენერგეტიკულ ობიექტებს ბომბავდნენ.