უკრაინის პრეზიდენტის განცხადებით, აგრესორი აგრძელებს უკრაინის ტერორს.

რატომ არის მნიშვნელოვანი: ოკუპანტები რამდენიმე კვირაა რუსების მასიური სარაკეტო დარტყმებით მნიშვნელოვნად აზიანებენ კრიტიკული ინფრასტრუქტურის ობიექტებს.

  • როგორც პრეზიდენტის ოფისის წარმომადგენელი კირილ ტიმოშენკო ამბობს, რუსეთი აგრძელებს ქვეყნის სხვადასხვა რეგიონში არსებულ ენერგეტიკულ ობიექტებზე თავდასხმას.

ბოლო მონაცემებით ხმელნიცკის ოლქში გათიშულია 672 000 აბონენტი; ნიკოლაივსკაში — 188 400;

  • ვოლინის რაიონში — 102 000, ჩერკასში — 242 000, რივნეში — 174 790,
    კიროვოგრადსკში — 61 913 და ოდესაში - 10 500.

ზელენსკის განცხადებით, ღამით მტერმა მასიური შეტევა დაიწყო — ისროლეს 36 რაკეტა, რომელთა ნაწილიც ჩამოაგდეს. როგორც საჰაერო სარდლობა წერს, გაანადგურეს 18 დრონი.

  • "ფოტო მხოლოდ ერთ-ერთი მაგალითია იმისა, თუ როგორ ცდილობს მტერი ჩვენს გატეხვას! ეს არის საზიზღარი დარტყმები კრიტიკულ ობიექტებზე. ტერორისტების ტიპური ტაქტიკა. მსოფლიოს შეუძლია და უნდა შეაჩეროს ეს ტერორი".

გარდა ამისა, უკრაინის საგარეო საქმეთა მინისტრის, დმიტრო კულებას თქმით, უკრაინის კრიტიკულ სამოქალაქო ინფრასტრუქტურაზე მიზანმიმართული დარტყმები რუსეთის მიერ უკრაინელების გენოციდის ნაწილია.

  • პრეზიდენტის ადმინისტრაციის უფროსის მრჩევლის, მიხაილო პოდოლიაკის განცხადებით, ერთადერთი გზა ჰუმანიტარული კატასტროფის შესაჩერებლად საჰაერო თავდაცვისა და დამატებითი რაკეტების უკრაინისთვის სწრაფი გადაცემაა.
  • უკრაინის თავდაცვის მინისტრი კი ამბობს, რომ მტერმა ახალი ტერორისტული ტაქტიკა წამოიწყო საკრუიზო და ბალისტიკური რაკეტების გამოყენებით, ასევე დრონების, განსაკუთრებით ირანული წარმოების, სამოქალაქო სამიზნეების წინააღმდეგ.