დღეს, 22 ოქტომბრის დილით საჰაერო განგაში გამოცხადდა უკრაინის მთელ ტერიტორიაზე.

რატომ არის მნიშვნელოვანი: უკვე რამდენიმე კვირაა, რაც უკრაინაზე მასიური სარაკეტო თავდასხმა მიმდინარეობს.

  • როგორც უკრაინული მედია წერს, აფეთქებების ხმა ისმის რივნის, კიევის, ოდესის, ჩერნიგოვის, კიროვოგრადის, ვოლინის, ხმელნიცკის ოლქებზე.

დეტალები: უკრაინის საჰაერო სარდლობის განცხადებით, ოკუპანტებმა უკრაინის ტერიტორიაზე მასიური სარაკეტო შეტევა განახორციელეს. თავს დაესხნენ კრიტიკულ ინფრასტრუქტურულ ობიექტებს ქვეყნის სხვადასხვა რეგიონში.

  • არსებული ინფორმაციით, ნიკოპოლის რაიონში, დაზიანდა 20-ზე მეტი სახლი. ასევე გაითიშა ელექტროგადამცემი ხაზები, ელექტროენერგიის გარეშე დარჩა თითქმის 1 000 ოჯახი.
  • რუსები თავს დაესხნენ მნიშვნელოვან ენერგოობიექტებს კიროვოგრადის ოლქის კროპივნიცკის და გოლოვანევსკის რაიონებში, ასევე დაარტყეს ენერგოობიექტს ოდესასა და ქალაქ რივნეში.

საჰაერო თავდაცვა: უკრაინის შეიარაღებული ძალების საჰაერო ძალების სარდლობის პრესსამსახურის განცხადებით, ჩამოაგდეს 18 საკრუიზო რაკეტა.

  • კიევის მერის, ვიტალი კლიჩკოს განცხადებით, საჰაერო თავდაცვის ძალებმა ოკუპანტების მიერ დედაქალაქის მიმართულებით გაშვებული რამდენიმე რაკეტა ჩამოაგდეს.