უკრაინაში ამბობენ, რომ ბელარუსის მხრიდან თავდასხმის რისკები იზრდება, თუმცა საერთაშორისო პარტნიორები ფიქრობენ, რომ ეს ნაკლებმოსალოდნელია.

რატომ არის მნიშვნელოვანი: სრულმასშტაბიანი ომის დაწყების პირველი დღიდან ლუკაშენკომ პუტინს ქვეყანა სამხედრო-საწვრთნელ პოლიგონად გადასცა, საიდანაც ჯარები და სამხედრო ტექნიკა იგზავნება უკრაინაში.

• ბელარუსი რჩება რუსეთის ერთადერთ ღია მოკავშირედ უკრაინაში სრულმასშტაბიანი ომის მიმდინარეობისას, რომელიც მხარს უჭერს პუტინის კრიმინალურ რეჟიმს საერთაშორისო დიპლომატიურ დონეზე.
• რუსი სამხედროები ბელარუსის საჰაერო სივრცეს უკრაინის ქალაქებზე საჰაერო თავდასხმებისთვის იყენებენ.
• ბელარუსი ოკუპანტებისთვის გაფუჭებულ სამხედრო აღჭურვილობას არემონტებს და მასპინძლობს ირანულ თვითმფრინავებს.

დეტალები: ლუკაშენკოს მტკიცებით, 15 000 რუსი და 70 000 ბელარუსი ჯარისკაცი ახალ სამხედრო ძალას შექმნის.

• ბელარუსის შეიარაღებული ძალების გენერალური შტაბის უფროსის მოადგილემ, ვიქტარ თუმარმა განაცხადა, რომ წმინდად თავდაცვის მიზნით, უახლოეს დღეებში რუსი სამხედროები ჩამოვლენ ბელარუსში, სადაც საყოველთაო მშვიდობის განმტკიცების მიზნით რუსულ-ბელარუსული ძალები ჯგუფში ხერხემლის ფუნქციას შეასრულებენ.

• გენერალი ლექსეი გრომოვის ინფორმაციით, მიმდინარეობს ფარული მობილიზაცია ბელორუსის ტერიოტორიაზე.
• ლუკაშენკოს განცხადებით, ბელარუსს ომი არ სჭირდება და ისინი არსად წასვლას არ აპირებენ, თუმცა აპირებენ განაახლონ სამხედრო ტექნიკა, რისი საჭიროებაც რუსეთ-უკრიანის ომმა დაანახათ.

შეფასებები უკრაინაში: უკრაინის პრეზიდენტის აპარატის მრჩეველმა, ალექსეი არესტოვიჩმა განაცხადა, რომ ბელარუსიის მხრიდან უკრიანაზე თავდასხმა "ცოტა უფრო სავარაუდო გახდა, მაგრამ რეალური საფრთხეები კიდევ შორს არის".

• უკრაინის შეიარაღებული ძალების გენერალურ შტაბში მიაჩნიათ, რომ ბელორუსიის ტერიტორიიდან შეტევის საფრთხე იზრდება, კონკრეტულ ქმედებებს კი გაზაფხულზე ელიან.
• მათი განცხადებით, შეტევის მიმართულება შესაძლოა შეიცვალოს ბელორუსი-უკრაინის საზღვრის დასავლეთით, იგეგმება უკრიანის ძირითადი ლოჯისტიკური არტერიების გაჭრა.
• მიზანია უკრაინას შეეზღუდოს პარტნიორი ქვეყნებისგან იარაღისა და სამხედრო აღჭურვილობის მიწოდება.
• UNIAN ის ინფორმაციით, ბელორუსში მობილიზაციის გამოცხადებამ შესაძლოა სოციალური აფეთქება გამოიწვიოს და ლუკაშენკოს სწორედ მოსახლეობის პროტესტის ეშინია.
• ბელორუსთა ძალიან მცირე ნაწილი თანხმდება უკრაინასთან ფულის სანაცვლოდ ბრძოლას, რაც პუტინის მოლოდინებს მნიშვნელოვნად ამცირებს.
• შედეგად, უკრაინა ყურადღებით აკვირდება ბელარუსში პროცესების მიმდინარეობას და მზადაა უპასუხოს ნებისმიერ საფრთხეს ჩრდილოეთ საზღვართან, ნათქვამია ეროვნული უსაფრთხოებისა და თავდაცვის საბჭოს ხელმძღვანელის განცხადებაში.

ბრიტანეთის თავდაცვის სამინისტროს განცხადებით, ბელარუსის პრეზიდენტის მტკიცება, რომ რუსეთთან ერთად შექმნიან ახალ სამხედრო გაერთიანებას, ნაკლებად სავარაუდოა რომ შესრულდეს:

• რადგან რუსეთს უკრაინაში ძალების სრული კონცენტრაცია სჭირდება.
• ბელარუსის სამხედროებს მინიმალური შესაძლებლობები აქვთ მნიშვნელოვანი ოპერაციების განსახორციელებლად.

პროგნოზები: ბრიტანეთის თავდაცვის სამინისტრო შესაძლო სამხედრო გაერთიანებას განიხილავს, როგორც:

• რუსულ-ბელარუსული სოლიდარობის მორიგ დემონსტრაციას.
• უკრაინის გადარწმუნების მცდელობას, გადაისროლოს ძალები ჩრდილოეთ საზღვრის დასაცავად.