ამის შესახებ ინფორმაციას საქართველოს პროკურატურა ავრცელებს. მათი განცხადებით, ორივე პირს ბრალი წარედგინა.

რატომ არის მნიშვნელოვანი: უწყების ცნობით, გამოძიებით დადგინდა, რომ დაკავებულმა, რომელიც საგურამოს ადმინისტრაციულ ერთეულში 2019-21 წლებში მუშაობდა, 2022 წელს ყალბი ოფიციალური დოკუმენტი შეადგინა;

  • რომლის მიხედვითაც თითქოსდა, მამამისზე გაცემული იყო საგურამოში მდებარე 3000 კვ.მ მიწის ნაკვეთი
  • "აღნიშნული ყალბი დოკუმენტის საფუძველზე, მცხეთის მერის წარმომადგენლის მამა 500 000 ლარად ღირებულ უძრავ ქონებას თაღლითურად დაეუფლა", — ნათქვამია განცხადებაში.

დეტალები: მერის წარმომადგენელს ბრალი სსკ-ის 341-ე მუხლით წარედგინა, რაც სამსახურებრივ სიყალბეს, ე.ი. პირადი მოტივით მოხელეთა გათანაბრებული პირის მიერ ყალბი დოკუმენტის შედგენასა და გაცემას გულისხმობს.

  • ასევე, მას ბრალი აქვს წარდგენილი სსკ-ის 25, 180-ე მუხლის მე-3 ნაწილის ბ ქვეპუნქტითაც, რაც თაღლითობაში დახმარებას გულისხმობს.
  • რაც შეეხება მამას, მას ბრალი თაღლითობისა და ყალბი დოკუმენტის დამზადება- გამოყენების მუხლით წარედგინა.

პროკურატურაში აცხადებენ, რომ ორივე ბრალდებულმა ითანამშრომლა გამოძიებასთან და აღიარა დანაშაული.

  • "სასამართლოს გამამტყუნებელი განაჩენით, მათ სახელმწიფოს სასარგებლოდ თაღლითური დაუფლების მიწის ნაკვეთები ჩამოერთმევათ", — ამბობენ უწყებაში.

დღემდე შიდა ქართლისა და მცხეთა-მთიანეთის რეგიონში სახელმწიფოს კუთვნილი მიწების თაღლითურად დაუფლების ფაქტებზე 83 პირია მსჯავრდებული.

  • მათ შორის 6 საჯარო მოხელეა.