აფეთქების შესახებ ინფორმაცია ჯერ მედიასა და ტელეგრამ არხებში გამოჩნდა, შემდეგ კი უკრაინის გენერალურმა შტაბმაც დაადასტურა.

რატომ არის მნიშვნელოვანი: როგორც უკრაინული მედია იუწყება, ანტონოვსკის ხიდს და მის მახლობლად ოკუპანტების მიერვე მოწყობილ გადასასვლელს რუსეთი სამხედრო მიზნებით იყენებდა.

  • წინა დღეს ხიდი ანექსირებული ყირიმის დე ფაქტო მეთაურმა და რუსეთის პრეზიდენტის ადმინისტრაციის უფროსის მოადგილემ დაათვალიერეს.
  • უკრაინსა პრავდას ცნობით, გადასასვლელზე 19 და 20 ოქტომბერს ოკუპანტების სამხედრო მანქანები მოძრაობდნენ, რომლებსაც, სავარაუდოდ, უკრაინიდან ნაძარცვი გადაჰქონდათ.

დეტალები: რუსი პროპაგანდისტები ცდილობენ, უკრაინული მხარე მშვიდობიან მოქალაქეებზე თავდასხმაში დაადანაშაულონ.

  • კრემლისტური მედიის ინფორმაციით, შემთხვევას ხერსონის რეგიონული მედიის 2 თანამშრომელი ემსხვერპლა.
  • თუმცა, უკრაინული მედიის ცნობით, ხიდით ადგილობრივი მოსახლეობა მხოლოდ 20სთ-მდე სარგებლობდა, აფეთქება კი 23სთ-ზე, კომენდანტის საათის დროს მოხდა, როცა გადასასვლელზე ოკუპანტების ცოცხალი ძალა და აღჭურვილობა გადაადგილდებოდა.