ვიდეოები სოციალურ ქსელში თავდაპირველად უნივერსიტეტის სტუდენტებმა გაავრცელეს.

რატომ არის მნიშვნელოვანი: კადრებში სიტყვების გარჩევა რთულია, თუმცა ისმის, რომ საუბარი რუსეთის უკრაინაში შეჭრას, სტალინს და საქართველოს მესამე პრეზიდენტს, მიხეილ სააკაშვილსაც ეხება.

  • ვიდეოებში ისმის ფრაზები "სტალინი მორწმუნე კაცი იყო", "სტალინმა აღადგინა ეკლესია", "როგორ შეიძლება მაგის თქმა, რომ უკრაინა ომს მოიგებს".
  • სტუდენტების კითხვაზე, რამდენი ეკლესია გადაწვა სტალინმა, ერთ-ერთი პასუხობს, რომ არცერთი.
  • შეურაცხმყოფელი ფრაზებით მოიხსენებენ მიხეილ სააკაშვილსაც, სავარაუდოდ, შეურაცხყოფას აყენებენ თავად სტუდენტებსაც.
  • საპასუხოდ, სტუდენტები ლექტორებს მოუწოდებენ, რომ ასეთი ფრაზებისგან თავი შეიკავონ.

დეტალები: მთავარი არხის ცნობით, ვიდეო გაზაფხულზეა გადაღებული, ლექტორები კი, რომლებიც კადრებში ჩანან, ვახტანგ მელაძე და ზურაბ ჩაჩხიანი არიან.

  • ჟურნალისტებთან ინფორმატიკისა და მართვის სისტემების ფაკულტეტის დეკანი, თამარ ლომინაძე ამბობს, რომ მელაძე უნივერსიტეტის აკადემიური პერსონალი არ არის და ის 2021 წლის სასწავლო წელს მოწვეული პროფესორი იყო.
  • "ჩვენი უნივერსიტეტი არის ავტონომიური, არის აპოლიტიკური, შესაბამისად, ჩვენი პედაგოგები საუბრობენ მეცნიერებაზე, საგანზე, სწავლებაზე და არა პოლიტიკაზე".
  • მისივე თქმით, უნივერსიტეტი შემთხვევას "აუცილებლად შეისწავლის" და რეაგირებისა და დასკვნებისთვის საკითხი ეთიკის კომისიას გადაეცემა.