ინფორმაციას ამის შესახებ უკრაინის გენერალური შტაბი ავრცელებს.

რატომ არის მნიშვნელოვანი: ბოლო რამდენიმე კვირაა რუსები გაცილებით უფრო ინტენსიურად ბომბავენ უკრაინულ დასახლებებსა და კრიტიკული ინფრასტრუქტურის ობიექტებს, რამაც შეიძლება ზამთარში მძიმე ენერგეტიკული კრიზისი გამოიწვიოს.

  • ოკუპანტები მშვიდობიანი მოქალაქეების წინააღმდეგ ირანულ ე.წ. კამიკაძე დრონებსა და სხვა მძიმე ტექნიკას იყენებენ.

დეტალები: ოკუპანტებმა გამოიყენეს საკრუიზო, საავიაციო და საზენიტო მართვადი რაკეტები და განახორციელეს: 60-მდე გასროლა განხორციელდა მრავალჯერადი სარაკეტო სისტემიდან, 10 სარაკეტო და 58 საჰაერო დარტყმა.

  • ისინი თავს დაესხნენ 35-ზე მეტ დასახლებულ პუნქტს.
  • კერძოდ, ქალაქ კიევსა და ამავე ოლქს, ოდესას, ნიკოლაევის რეგიონს, ბელოგოროვკას, ტერნს, კრასნოგოროვკას, მარინკას, დონეცკის ოლქს, ნოვაია კამენკას და სხვა.
  • დღესაც გრძელდება უკრაინის ქალაქებისა და ინფრასტრუქტურის დაბომბვა.

შედეგები: გუშინ კიევის დაბომბვას 4 ადამიანი ემსხვერპლა, მათ შორის ორსული ქალი და მისი ქმარი. დღეს კი საჰაერო განგაშია გამოცხადებული მთელს უკრაინაში.

  • ბოლო 24 საათში რუსებმა დონეცკის ოლქში 6 ადამიანი მოკლეს.
  • სუმის ოლქის ინტენსიურ დაბომბვას 5 ადამიანი ემსხვერპლა.
  • C 300-ით იერიშს მსხვერპლი მოჰყვა ნიკოლაევშიც.
  • ჟიტომირი ნაწილობრივ ელექტროენერგიის გარეშე დარჩა, არიან დაჭრილები.
  • დნეპრშიც დაბომბვის შედეგად კრიტიკული ინფრასტრუქტურის ობიექტები დაზიანდა.

გარდა ამისა: მხოლოდ დღეს ხარკოვის მიმართულებით მათ 8 რაკეტა ისროლეს — ამ ეტაოზე დამატრებითი ინფორმაცია უცნობია.

ვოლოდიმირ ზელენსკიმ განაცხადა, რომ უკრაინა ოკუპანტების ცეცხლის ქვეშაა და ისინი აგრძელებენ იმას, რისი გაკეთებაც ყველაზე კარგად იციან — მშვიდობიანი მოსახლეობის ტერორსა და მკვლელობას.

  • "საინტერესოა რას ებრძოდნენ რუსი ტერორისტები ამ აბსოლუტურად მშვიდობიან ობიექტებზე?" — დაწერა მან დღეს.
  • ხოლო გუშინ რუსეთის პრეზიდენტს მიმართა და აღნიშნა, რომ პუტინს შეუძლია, მორიგი "მიღწევა" ჩაიწეროს: "მოვკალი კიდევ ერთი ორსული".