ამის შესახებ გადაწყვეტილება დღეს, 17 ოქტომბერს გამართულ შეხვედრაზე ევროკავშირის საბჭომ მიიღო.

რატომ არის მნიშვნელოვანი: მისიის მიზანია ხელი შეუწყოს უკრაინის შეიარაღებული ძალების სამხედრო შესაძლებლობების გაძლიერებას სამხედრო ოპერაციების ეფექტურად წარმართვის მიზნით:

  • "რათა უკრაინას მიეცეს საშუალება დაიცვას თავისი ტერიტორიული მთლიანობა საერთაშორისოდ აღიარებულ საზღვრებში, ეფექტურად განახორციელოს თავისი სუვერენიტეტი და დაიცვას მშვიდობიანი მოსახლეობა".

დეტალები: ევროკავშირის განცხადებაში ნათქვამია, რომ უკრაინის სამხედრო მხარდაჭერის მოთხოვნის საპასუხოდ, მისია გაუწევს ინდივიდუალურ, კოლექტიურ და სპეციალიზებულ წვრთნას უკრაინის შეიარაღებულ ძალებს.

  • მათ შორის ტერიტორიული თავდაცვის ძალებს, ასევე წვრთნაში მონაწილე წევრი სახელმწიფოების საქმიანობის კოორდინაციას;
  • მისია (EUMAM Ukraine) იმუშავებს ევროკავშირის წევრი ქვეყნების ტერიტორიაზე და ოპერატიული შტაბი ბრიუსელში ექნება;
  • მისიის მანდატი თავდაპირველად ორ წელიწადს გაგრძელდება, ამ პერიოდისთვის მთლიანი დანახარჯების ფინანსური სამიზნე კი 106 700 000 ევრო იქნება.

ბორელი: საგარეო საქმეთა და უსაფრთხოების პოლიტიკის უმაღლესი წარმომადგენლის განცხადებით, გააძლიერებენ უკრაინას, რათა ქვეყანამ დაიცვას თავი რუსეთის აგრესიისგან.

  • "ევროკავშირის სამხედრო დახმარების მისია გაწვრთნის უკრაინის შეიარაღებულ ძალებს, რათა მათ გააგრძელონ გაბედული ბრძოლა;
  • EUMAM არ არის მხოლოდ სასწავლო მისია, ეს არის ნათელი დასტური იმისა, რომ ევროკავშირი დადგება უკრაინის გვერდით მანამ, სანამ საჭირო იქნება", — აცხადებს ჯოზეფ ბორელი.