ენერგეტიკის მინისტრის კომენტარს CNN ავრცელებს.

რატომ არის მნიშვნელოვანი: 10 ოქტომბერს ოკუპანტებმა უკრაინის რამდენიმე ქალაქში მასიური სარაკეტო თავდასხმების განახორციელეს — მნიშვნელოვნად დაზიანდა კრიტიკული ინფრასტრუქტურის ობიექტები.

  • მთელს ქვეყანაში საჰაერო განგაში არ წყდებოდა და იბომბებოდა უკრაინის მთელი ტერიტორია ოკუპირებული ყირიმის გარდა — სარაკეტო იერიშის სამიზნე გახდა კიევიც.

დეტალები: მან აღნიშნა, რომ ომის დაწყებიდან ეს პირველი შემთხვევა იყო, როცა ენერგო სისტემები რუსეთმა ასე მასობრივად ამოიღო სამიზნეში.

  • "ჩვენ ამ შეტყობინებას ვუგზავნით ჩვენს პარტნიორებს: ცა უნდა დავიცვათ. რუსები არ თამაშობენ საერთაშორისო კანონმდებლობით, მათ არ ადარდებთ საერთაშორისო შეთანხმებები და კონვენციები".

გუშინ დღის განმავლობაში ოფიციალური პირები ამბობდნენ, რომ ეტაპობრივად მოუწევდათ შუქის გათიშვა, რესურსების დასაზოგად, ელექტრო ქსელების კრიტიკული გადატვირთვების ასარიდებლად და დაზიანებული ქსელების შესაკეთებლად.

  • გარდა ამისა, უკრაინელებს მოუწოდებდნენ, რომ საღამოს 5-დან 10 საათამდე მაქსიმალურად შეზღუდონ ელექტროენერგიის მოხმარება — ეს შეამცირებს გამორთვის საჭიროებას;
  • ენერგეტიკის სამინისტრო კი აცხადებდა, რომ საკუთარი ენერგეტიკული სისტემის სტაბილიზაციის მიზნით ელექტროენერგიის ექსპორტს წყვეტდნენ.