ამის შესახებ ინფორმაციას უკრაინის ატომური ენერგეტიკის სახელმწიფო კომპანია Telegram-ზე ავრცელებს.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც ბირთვული კატასტროფის საფრთხეს კიდევ უფრო ზრდის.

  • უკრაინის პრეზიდენტი ვოლოდიმირ ზელენსკი რუსეთს "ბირთვულ შანტაჟში" ადანაშაულებს ელექტროსადგურში დაძაბულობის გამო.

დეტალები: მათივე ინფორმაციით, სადგურის ადამიანური რესურსები გენერალური დირექტორის მოადგილე, ვალერი მარტიუნიკო რუს ტერორისტებს გაურკვეველი მიმართულებით მიჰყავთ.

  • "მივმართავთ IAEA-ს გენერალურ დირექტორს, რაფაელ გროსსა და მსოფლიო საზოგადოებას მიმართავს, მიიღონ ყველა შესაძლო ზომა დაკავებულის დაუყოვნებლივ გასათავისუფლებლად რუსი ოკუპანტების ტყვეობიდან".

უკრაინის თავდაცვის სამინისტროს დაზვერვის დეპარტამენტში ამბობენ, რომ სადგურში რუსული ძალები თანამშრომლებს რუსულ ბირთვულ კომპანიასთან Rosatom-თან კონტრაქტების გაფორმებას აიძულებენ.

  • მათივე თქმით, რუსეთის შეიარაღებული ძალებისა და საოკუპაციო ადმინისტრაციის წარმომადგენლები სადგურის თანამშრომლებზე ზეწოლას აგრძელებენ.
  • ისინი პერსონალისა და მათი ოჯახის წევრების მიმართ ე.წ ფილტრაციის ზომებს მიმართავენ და მოთხოვნას უყენებენ, ოფიციალურად აიღონ რუსული პასპორტები და გააფორმონ კონტრაქტები Rosatom-თან.

არქივიდან: 30 სექტემბერს დასაწყისში რუსულმა ძალებმა ზაპოროჟიეს ატომური ელექტროსადგურის დირექტორი დააკავეს, ხოლო 3 ოქტომბერს გაათავისუფლეს.

  • დაკავების შემდეგ ენერგოატომის ხელმძღვანელმა, პეტრო კოტინმა დაწერა, რომ ის მაშინ დააკავეს, როდესაც ატომური სადგურიდან ქალაქ ენერგოდარში მიემგზავრებოდა.
  • "ის მანქანიდან გადმოიყვანეს და თვალდახუჭული გაურკვეველი მიმართულებით წაიყვანეს", — აცხადებდა ის.