დმიტრო კულებას განცხადება უკრაინის საგარეო საქმეთა სამინისტროს ვებგვერდზე გამოქვეყნდა.

რატომ არის მნიშვნელოვანი: კულებას ინფორმაციით, მხოლოდ გასული დღის განმავლობაში ზაპოროჟიეს საცხოვრებელ უბნებზე 20-ზე მეტი სარაკეტო შეტევა განხორციელდა.

  • თავდასხმებს, სულ მცირე, 13 მშვიდობიანი მოქალაქე ემსხვერპლა, დაშავდა 60 ადამიანი, რომელთაგან 6 ბავშვია.

დეტალები: მინისტრი ამბობს, რომ დარტყმის სამიზნეებს სამხედრო დანიშნულება არ ჰქონდათ და რუსეთი მიზანმიმართულად ესხმის თავს მშვიდობიან მოქალაქეებს, ამას კი ტერორისა და შიშის დათესვის გამო აკეთებს.

  • ხაზი გაუსვა იმასაც, რომ სამოქალაქო პირების მიზანმიმართული მკვლელობა ომის დანაშაულია.
  • "სახლებში მძინარე მშვიდობიან მოსახლეობაზე სარაკეტო თავდასხმით რუსეთმა კიდევ ერთხელ დაამტკიცა, რომ ტერორისტული სახელმწიფოა, რომელსაც ყველა შესაძლო საშუალებით უნდა დაუპირისპირდნენ, რათა თავიდან იქნას აცილებული შემდგომი ამაზრზენი დანაშაულები".

5 ნაბიჯი: კულებამ საერთაშორისო სისხლის სამართლის სასამართლოს, პროკურატურას და პარტნიორებს მოუწოდა, დაუყოვნებლივ გამოაგზავნონ გამომძიებლები და ექსპერტები დანაშაულის ადგილას.

  • მეორე ნაბიჯად აშშ-ის მიერ რუსეთის ტერორიზმის სპონსორ ხოლო, სხვა ქვეყნების მიერ ტერორისტულ სახელმწიფოდ აღიარებას დაასახელა.
  • ასევე, მიმართა საერთაშორისო საზოგადოებას, მკაცრად დაგმონ ზაპოროჟიეზე თავდასხმები და გაზარდონ სანქციების ზეწოლა.

გარდა ამისა, მიმართა პარტნიორებსაც, უკრაინას თავდაცვის რაკეტსაწინააღმდეგო სისტემები მიაწოდონ.

  • ბოლოს კი ის მოუწოდა იმ ქვეყნებს, რომლებიც უკრაინის წინააღმდეგ რუსეთის აგრესიის მიმართ ნეიტრალიტეტს ინარჩუნებს, დაუყოვნებლივ გამოაგზავნონ თავიანთი წარმომადგენლები ზაპოროჟიეში "სადაც შეძლებენ, ღამე გაათენონ საცხოვრებელ ადგილებში და განიცადონ ყველაფერი, რაც მათი ნეიტრალიტეტით დაფარულია".